05:31 23 Рашәара 2021
Ишиашоу ицо аефир
  • USD73.17
  • EUR87.07

Блабба афымцалашара ақәыӷәӷәара арԥсыҽразы: аелектронтә ԥхьаӡагақәа рыда ԥсыхәа ыҟам

Арадио
Икьаҿу ахьарԥш аиура
Аԥсны аенергетика апроблемақәа (260)
21 0 0

Афымцалашара ахархәара иазку аилацәажәараҿы иаагаз арбагақәа рҟынтә араионқәа зегьы раасҭа афымцалашара ахархәара акырӡа еиҳахеит аҳҭнықалақь аҿы. Аҟәатәи афымцатә станциа анџьныр хада Ҭенгиз Блабба арадио Sputnik аефир аҿы иҳәеит уи зыхҟьаз ҳәа гәаанагарас иҟоу.

Атәылауаҩи аиҳабыреи: Блабба Аҟәа афымцалашара ахархәара иазкны

"Иҟалаз ахьшәашәара иахҟьаны афымцатә цәаҳәақәа ақәыӷәӷәара иаҳагьы иацлеит, уи инаҷыданы, аҵарадырратә усбарҭақәа зусура хацзыркыз анырра иҟарҵеит афымцалашара ахархәараҿы, аки-аки анеицылалак, ақәыӷәӷәара ҳаракхоит. Ааигәа изҟәаҵны иҟаз арцәарақәа еиҭа иалагеит. Ақәыӷәӷәарақәа ахьыҳараку ҿыц иқәдыргылаз амаругақәа рхала идырцәоит абжакы. Аихшараҭатә подстанциақәа рҿы, иара ақәыӷәӷәарақәа аныҳаракхалак, ахала ицәоит. Ақалақь аҿы ақәыӷәӷәара зыҳаракхо анхарҭатә ҭыԥқәа иаҳа ирацәоуп, ауаҩы ибзазара иациҵозар, ҳара иҟаумҵан ҳәа ҳазиаҳәом. Алашаразы аԥарашәара иаҳа иаҳцәыуадаҩуп, алашара абылра иаҳа иаҳзымариоуп. Алашара лассы-лассы издырцәо, амаинингқәа ззықәгылоу рҿы иблырцаз ауп ҳәа иҟоу ацәажәарақәа ҵаҵӷәыдоуп, ус еиԥш иблыр алшоит ауаа рыбзазараҿы рхы иадырхәо амаругақәагьы", - ҳәа иҳәеит Блабба.

Афымцалашара ақәыӷәӷәара арԥсыҽразы аелектронтә ԥхьаӡагақәа рықәыргылара аус иалагатәуп, ҳәа агәаанагара имоуп анџьныр. Дара ааба-жәаба киловатт рҟынӡа рычҳауеит, уи нахыс еиҳаны иаҿеикыр, иара ахала иарцәоит, ҳәа азгәеиҭеит иара.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит:

Атемақәа:
Аԥсны аенергетика апроблемақәа (260)

Ихадоу атемақәа