08:36 13 Лаҵара 2021
Ишиашоу ицо аефир
  • USD74.04
  • EUR89.85

Кәыҵниаԥҳа зсоциалтә ҭагылазаашьа уадаҩу аҿар рзы: ҳусура иалахәзар ҳҭахуп

Арадио
Икьаҿу ахьарԥш аиура
10 0 0

Зсоциалтә ҭагылазаашьа уадаҩу аҿар ауаажәларра иалахәхаразы ашьцыларақәа рылааӡара иазку апроект ҿыц хацыркуп Аҟәа ақалақь ахадара аҿари аспорти русқәа рзы аусбарҭаҿы. Абри атәы арадио Sputnik Аԥсны иазеиҭалҳәеит аусбарҭа аиҳабы лхаҭыԥуаҩ Есма Кәыҵниаԥҳа.

Кәыҵниаԥҳа зсоциалтә ҭагылазаашьа уадаҩу аҿар рзы: ҳусура иалахәзар ҳҭахуп

"Иҷыдоу асоциалтә ҭагылазаашьа змоу аҿар ацхыраара рыҭара ҳаргьы иаҳуалны иҳаԥхьаӡоит. Аусура иалагеит апроект ус еиԥш иҟоу ирзырхоу. Иара шьақәгылоуп еиуеиԥшым ашьаҿақәа рыла. Актәи – аибадырра. Ҳара ҳаилак аҿы аус зуа аспециалистцәа урҭ аҿар ирабадыруеит, еилыркаауеит рҟазшьақәа, аинтерес рызцәырызго азҵаарақәа, ахырхарҭақәа еилыркаауеит. Аҩбатәи аетап аҿы иалаагалоит аспециалистцәа: апсихологцәа, аҳакьымцәа, аԥсуа ҵасқәа, ахымҩаԥгашьа уҳәа атәы дзырдыруа. Дара ирымоу аинтерес анеилаҳкаалак ашьҭахь, афатәҟацара, асахьаҭыхра уҳәа аума, иргәаԥхо азанааҭ аҩнуҵҟала аиԥыларақәа мҩаԥаагоит, уи аус иалахәхартә иҟаҳҵоит. Ҳара еиҳарак иаҳҭахуп аҿар дара-дара еибадырырц, ҳусура иалахәхарцаз", - ҳәа еиҭалҳәеит Кәыҵниаԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Ихадоу атемақәа