"Аӡқәа рҭагылазашаьа ахылаԥшра амоуп аекологиазы аилак аҟынтә. Иҟоуп ахимиатә лабораториа, дара аамҭак иалагӡаны аӡыцқьара гәарҭоит, амшын аԥшаҳәа ҭыԥқәак алхны иҳамоуп, аамҭа-аамҭак иалагӡаны анализқәа ргоит. Сынтәа аԥхынтәи асезон азы иҳамгацт ахкқәа. Ҵыԥх атәы ҳҳәозар, аӡқәеи амшыни аекологиатә нормақәа ирзааигәоуп. Џьарак иҟазар иахьеиҳаугьы, аха убри иазыԥҵәоу аҳәаақәа ирҭысӡом. Ас еиԥш аҭагылазаашьа атәы зышьақәгылаз атәы ҳҳәозар, ашьха ӡқәа цқьоуп аҟынтә дара иахьалалогьы амшын аҿы аҭыԥқәагьы цқьоуп. Амшынгьы иамоуп ахатәы циркулиациа, иара ахалагьы аҽарыцқьоит, анаҩс иалалоу аӡқәагьы рус ҟарҵоит. Насгьы Аԥсны иҟаӡам азауадқәа дуқәа аӡы зырхәышьыр алшо", - еиҭеиҳәеит Ҷыҭанаа.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Иара убас шәаԥхьар ҟалоит:
- Миқааԥҳа еиҭалҳәеит иарбан ӡрыжәтәу ауаҩы изы еиҳа ихәарҭоу
