Лаҵара 17 рзы Аԥснынтәи тоннабжак аҵыҵындра Урыстәыла алагалара мап ацәыркит акарантин-фитосанитартә гәаҭара анымҩаԥырга ашьҭахь. Россельхознадзор Ладатәи арегионбжьаратә усбарҭа аинспекторцәа абаҳчаҵыҵындра апартиаҿы ирбеит мраҭашәаратәи (калифорниатәи) ашәҭтә трипс ҳәа аанацҳаит аҭыжьымҭа "Новая Кубань".
"Атрипс хәышә-фышә хкы рҟынӡа ыҟоуп, миллиметрак аасҭа еиҵоуп…Аԥсны иҟаӡам иара, ауаҩы изы ишәарҭаӡам. Амала аалыҵ маҷхоит. Иаҳҳәап 100 кьылак уоураны иҟазар, 80-60 кьыла уоуеит… Агәаҭарақәа мҩаԥаагеит ҩаԥхьа, аха уи ахәаҷа хкы Аԥсны иҟаӡам. Ҳара ҳмаҵзура аҳәааҟны аус ауеит, ус еиԥш ахҭыс аарԥшызыр адырра ҟарҵар ауан, аимадара ҳамоуп, аха уи аҩыза адырра ыҟамызт", - иҳәеит Вартагаа.
Иаҳа инеиҵыхны аиҿцәажәара шәаҳар шәылшоит аудиофаил аҟны.
