03:45 25 Рашәара 2021
Ишиашоу ицо аефир
  • USD72.33
  • EUR86.33

Раионк аԥсҭазаараҟынтә: Каҷабаа Гәылрыԥшь араион амашьына-техникатә станциа аусура иазкны

Арадио
Икьаҿу ахьарԥш аиура
1 0 0

Гәылрыԥшь араион амашьына-техникатә станциа аиҳабы Нодар Каҷабаа арадио Sputnik аефир аҿы иҳәеит араион аҿы ацәаӷәарақәа рус шцо атәы.

Раионк аԥсҭазаараҟынтә: Каҷабаа Гәылрыԥшь араион амашьына-техникатә станциа аусура иазкны

Гәылрыԥшь араион аҿы ацәаӷәарақәа ирылаган ҩымчыбжь раԥхьа, амш иаҳнаҭар, рашәарамза нҵәаанӡа ҳаҿызаауеит, иҟоуп ихьшәаны иҟазҵогьы, ҳәа азгәеиҭеит Каҷабаа.

"Ацәаӷәарақәа ҳанрылаго Ҵабал аганахьала ҳалагоит, нас игәҩанхоит азы. Сынтәа аусурақәа зынӡа игәҩанны ҳалагеит, уаҳа заа иалымҵӡеит амшқәа ирхырҟьаны. Наҟ Шәынтәылаҟа ҳаҟан, уаҟа аусутә усҟак ирацәам, аха иҳашьҭын, уахьгьы иаҳцәаӷәеит. Ҵабал акәша-мыкәшагьы ҳалгеит. Иҟоуп асиа, аибашьраан иҭахаз рҭаацәа рымхқәа ацәаӷәаразы, уигьы хәыҷы-хәыҷла ҳалагеит. Ахә ҵыԥх еиԥш ишыҟаз ауп ишыҟоу, аха ԥыхьа ауаа иаҳа ҳаблала рҽеидкыланы иааиуан, сынтәа аӡәык-ҩыџьак, иналак- аалакны ауп ишаауа. Арахә змоу рыда егьырҭ инҭрыҳәаацаны ԥыхьа еиԥш иҟарҵаӡом. Хаҭала атракторқәа змоугьы ыҟоуп, даргьы изҭаху ирзырцәаӷәоит, урҭ ыҟамызҭгьы араион амчала ацәаӷәара ҳалшомызт. Иааидкыланы, 200 гектар рҟынӡа ҳцәаӷәар алшоит, 100 гектаркгьы ҟаҳҵар ҟалоит, макьана еилкаам, уажәазы макьана 30 роуп ицәаӷәоу", - еиҭеиҳәеит Каҷабаа.

Иаҳа инеиҵыху аиҿцәажәара шәызыӡырҩыр шәылшоит аудио аҿы.

Ихадоу атемақәа