Арухаа жәлар рарҳәагақәа роркестр аконцерт азы: угәы ақәԥымҵәартә еиԥш еиқәыршәоуп
"Абжьааԥны шықәсык иалагӡаны аус здаҳулоз апрограммоуп ахәаԥшцәа ирыдаагалоз, аха аԥкрақәа ирыхҟьаны, уажәтәи, мызқәак ирылагӡаны еиқәыршәахаз ауп. Аконцерт иалахуп ҩыџьа урыстәылатәи амузыкантцәа: руаӡәы – абас-гитара аирҳәоит, егьы - ашәыршәырқәа. Ус еиԥш анҭыҵынтәи аӡәы ааԥхьара анимоу ҳаҩаӡара музыкантк иаҳасабала иаҳа ишьҭыҵуеит . Ҳажәлар ирыдаҳгало апрограмма угәы ақәԥымҵәартә еиԥш, аинтерес ӷәӷәа аиуп ҳәа ҳазхәыцны -еиқәыршәоуп. Агьамақәа реидҳәалара, реидкылара, зынӡа даҽа хәаԥшышьак унаҭоит, изгәамԥхо дҟалашт, изгәаԥхо дҟалашт, аха музыкант иаҳасабала ҳарбеиоит, иарԥшӡоит иара амелодиа", -еиҭеиҳәеит Арухаа.
Инеиҵыху аиҿцәажәара шәазыӡырҩыр шәылшоит аудиофаил аҿы.
