Ҭырқәтәыла аинфекционистцәа реидгыла ахада Мехмет Џьеихан ааԥхьара ҟаиҵеит урыстәылатәи атуристцәа рзы аковидчымазара аԥырҟәҟәаразы ауснагӡатәқәа дырӷәӷәарц. Уи аԥхьа Агәабзиарахьчара аминистр Фахреттин Коџьа аԥкра ӷәӷәақәа ирзыхынҳәырц иҳәеит.
Ҭырқәтәыла фышықәса иреиҳабу алаҵа змам атуристцәа уахь инеиаанӡа 72 сааҭ шагыз иҟарҵаз ПЦР-тестқәа рымазароуп ма COVID-19 шрыхьхьоу азы ашәҟәы. Алаҵа ззыҟаҵоу уи азы асертификат рымазароуп. Асертификат англыз бызшәала ихарҭәаазароуп, аҳәаанырцә тәылауаҩшәҟәы адыррақәа анубаалозароуп.
COVID-19 аԥырҟәҟәаразы аоперативтә штаб иаӡбеит Урыстәылеи Ҭырқәтәылеи рыбжьара аҳаиртә еимадара хацыркызарц рашәарамзазы.
"… иаадыртиижьҭеи, аиашазы, рхыԥхьаӡара рацәоуп иааз, аиҳараӡак Урыстәылантәи ауп (атуристцәа-азгәаҭа), европантәигьы иҟоуп ирацәаҩны. Ҭырқәтәылатәи адиаспора Европа инхо ф-миллионҩык рҟынӡа ыҟоуп, ԥсшьара ҳәа иаауеит урҭгьы. Атуризм аминистрра адыррақәа рыла 25-26 миллион ауааԥсыра Ҭырқәтәылаҟа иааит", - иҳәеит Аҟәысба.
Иара иазгәеиҭеит ачымазара ҿкы арԥсыҽразы атәылаҟны гәыӷырҭас ирымоу алаҵа аҟаҵара шакәу.
Шәазыӡырҩы аудио.
