13:05 24 Цәыббра 2021
Ишиашоу ицо аефир
  • USD72.72
  • EUR85.20

Қәҭелиа еиҭеиҳәеит ашколқәа рҿы иахьазы COVID азы аҭагылазаашьа зеиԥшроу

Арадио
Икьаҿу ахьарԥш аиура
45 0 0

Цәыббра акы инаркны иахьанӡа ашколқәа рҟны ишьақәгылаз аепидҭагылазаашьа атәы арадио Sputnik аефир аҿы еиҭеиҳәеит аҵараминистрра аинформациатә маҵзура аиҳабы Аслан Қәҭелиа.

 

Қәҭелиа еиҭеиҳәеит ашколқәа рҿы иахьазы COVID азы аҭагылазаашьа зеиԥшроу
"Иахьазы Аҟәа ақалақь аҿы иаркуп класск, иара убас Аҟәа араион аҿы рҵаҩык илыдбалоуп ачымазара. Гагра араион атәы ҳҳәозар, ашкол ахь иныҟәаӡом 10% ахәыҷқәа, аха ус изыдбалан аклассқәа рку ҳәа иҟаӡам.

Гәдоуҭа араион аҿы акәзар, 15-ҩык арҵаҩцәа ирыхьит, аҵаҩцәа 8-ҩык. Аклассқәа акарантин ахь имышьҭыкәа, изыдбалаз аҽыԥхьакрахь ишьҭын, ус азыӡбан асанитартә ҳақьымцәа рабжьгарала.

Гәылрыԥшь араион аҿы ашколқәеи аклассқәеи иарку ыҟаӡам. Ахәыҷбаҳчаҿы хәыҷык идбалан. Иара аҽыԥхьакрахь дышьҭын. Очамчыра араион 6-ҩык арҵаҩцәа, ачымазара рымоуп. Ԥақәашь ашкол аҿы актәи акласс аркуп, иара убас ақалақь аҿы ахәбатәи аабатәи аклассқәа ҩба акарантин ахь ишьҭуп.

Тҟәарчал араион аҿы 6-ҩык арҵаҩцәа ирыдбалан, ахәыҷқәа рыбжьара ус еиԥш аӡәгьы дыҟаӡам", - ҳәа еиҭеиҳәеит Қәҭелиа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

Ихадоу атемақәа