12:53 23 Жьҭаара 2019
Ишиашоу ицо аефир
  • USD63.80
  • EUR70.96
Авидеонҵамҭақәа

Апроект "Атеатри аԥсҭазаареи" иациҵоит Аԥсны зҽаԥсазтәыз артист Роман Сабуа

Икьаҿу ахьарԥш аиура
"Атеатри аԥсҭазаареи" (18)
9200
© Sputnik / Илона Хварцкия

Аԥсны зҽаԥсазтәыз артист Роман Сабуа Sputnik иазеиҭеиҳәеит ирольқәа рҟынтә реиҳа иаликаауеи, актиор изанааҭ иамоу аҷыдарақәеи ртәы.

Аԥсны зҽаԥсазтәыз артист Роман Сабуа  иажәақәа рыла, атеатр иара иԥсҭазаара зегьы ззыикыз ауп, аҟазара ԥсабаралеи дырралеи дазыҟаҵан. Актиор атеатр иԥсҭазаараҿ аҭыԥ хада ааннакылоит.

"Ауаҩы аҭаацәара даналало иҭаацәа раԥхьа ишгылоу еиԥш атеатр сыԥсҭазаараҿ раԥхьа игылоуп. Атеатр, аҟазара иануԥсҭазаараха уи уаманы ицоит. Атеатр ахь амҩахыҵра ус ҟәрышьк аласырҳауеит, хьӡык-ԥшак сынаҭоит ҳәа амҩахыҵра иаԥсаӡам. Актиор изанааҭ исықәҿиеит ҳәа исыԥхьаӡоит, избан акәзар ԥсабаралеи, дырралеи сазыҟаҵан", — ҳәа иҳәоит Роман Сабуа.

Актиор изанааҭ аҷыдарақәа рацәоуп, аҟазара ахкқәа шырацәоу еиԥш.

"Актиор изанааҭ аҷыдарақәа ируакуп амаашьареи алеишәа бзиеи. Актиор иара иԥсабара, ихшыҩ, ицәанырра, ицәеижьы ихы иархәаны иааирԥшоит аԥсҭазаара шибо", — ҳәа ациҵеит актиор.  

Аинформациатә маҵзура Sputnik Аҧсни Аԥсны акультуреи аҭоурыхтә-культуратә ҭынха ахьчареи рзы рминистрреи еиҿнакааит авидеопроект ҿыц "Атеатри аԥсҭазаареи". Иара хацыркыуп хәажәкыра 27 рзы, ари амш Жәларбжьаратәи атеатр иамшуп азы. Аҧхьаҩ раҧхьаӡа акәны алшара имазаауеит аҳәынҭқарра иреиҳаӡоу атеатрқәа хҧа — Самсон Ҷанба ихьӡ зхыу адраматә театри, Аурыс драматә атеатри, Аҿар ртеатри рыҧсҭазаара агәылалара, атеатр апроблемақәеи аихьӡарақәеи актиор хадацәа рҟынтә аилкаара.

Атемақәа:
"Атеатри аԥсҭазаареи" (18)

Иҵегь авидео

Ихадоу атемақәа