14:45 24 Нанҳәа 2019
Ишиашоу ицо аефир
  • USD65.60
  • EUR72.62
Авидеонҵамҭақәа

Аԥсадгьыл ахь архынҳәразы аилак аԥҵоуижьҭеи 26 шықәса аҵра иазку аилатәара

Икьаҿу ахьарԥш аиура
173 0 0
© Sputnik /

Аԥсадгьыл ахь архынҳәразы аусбарҭа еиҿкаауижьҭеи 26 шықәса ахыҵра иазку аныҳәатә еиԥылара мҩаԥган Аҟәа, хәажәкыра 25 рзы. Ари арыцхә инамаданы, Аԥсны жәлар Рџьынџьтәылатә еибашьра аветеранцәа - аԥсуа диаспора ахаҭарнакцәа 75-ҩык амедалқәа ранаршьеит. Аиԥылара далахәын Аԥсны Ахада Рауль Ҳаџьымба.

 

"Ҿыц иҳаргыло аԥсуа ҳәынҭқарра ҳдиаспора рыдгылареи рыцхыраареи ыҟамкәа, хымԥада, ибжатахоит. Иҟоуп арепатриациа акгьы алшом, аҵыхәа ԥҵәеит ҳәа изыԥхьаӡо, аха уи ус акәӡам. Ҳаԥхьаҟа ишьҭоу аусқәа даара ирацәоуп", - иҳәеит иажәахә аҿы Аԥсадгьыл ахь архынҳәразы аминистр Дбар Беслан.

Дбар: аԥсуа ҳәынҭқарра аргылараҿы ҳдиаспора иӷәӷәоу аҭыԥ ааннакылоит

"Ари аилак иаҳа ианыуадаҩыз аамҭақәа рзы ишьақәыргылан. Ҳажәлар усҟан ҳашмаҷыз ҳхаршҭны, дазусҭазаалакгьы егьырҭ аҳәынҭқаррақәа рҟынтәи иаауаз ҳашьцәа роуп ҳәа ҳрыхӡыӡаауан, урҭ ҳамчқәа еиздырҳауан. Уажәшьҭа, аихсыӷьра аамҭақәа аныҟала, ҳхымҩаԥгашьақәа рҽеиҭаркит. Сара еснагь исҳәоит, ҳдиаспора, шәыда ԥсыхәа Аԥсынра иамаӡам", - иҳәеит иқәгылараҟны Аԥсны Ахада Рауль Ҳаџьымба.

Ҳаџьымба: аҳәаанырцә иҟоу ҳџьынџьуаа рыда ԥсыхәа ҳамам

"Ҳара абра иеизазгьы, изымаазгьы, иаҳдыруеит, ҳабжьара иҟоуп 200-ҩык раҟара, Аԥсны иааны ицаз. Аха егьырҭ зегьы, 25 шықәса раахижьҭеи ианыцәгьоугьы ианыбзиоугьы ара инхаз, абри ахьанҭара шьҭаҳхындаз ҳәа иҟоу зегьы иҭабуп ҳәа шәасҳәоит", - иҳәеит Аԥсны Жәлар Реизара адепутат Ҭаифун Арӡынба.

 

Иҵегь авидео

  • Аҵыхәтәантәи арҿыцра: 13:37 01.08.2019
    13:37 01.08.2019

    Ҳаԥсуа бираҟқәа бираҟхом ҳбызшәада: Рушьбеи Смыр иажәа ҭынха

    Аԥсуаа ҳзы ихьаа духеит Аԥсны Жәлар рпоет, Д.И. Гәлиа ихьӡ зху Аҳәынҭқарратә премиа занашьоу Рушьбеи Смыр иаамҭанымкәа иԥсҭазаара дахьалҵыз. Ишәыдаагалоит уи ипоезиа иагәылсны ицо ипатриотизмреи, ҳаԥсадгьыл иахҭнагахьоу азы ихьааи, ԥхьаҟатәи аԥеиԥш азы ихәыцрақәеи зныԥшуа иажәеинраалақәа ируаку "Аԥсуа бираҟқәа". Даԥхьоит Аԥсны Жәлар рартист Ҭемраз Чамагәуа.

    108
  • Адыӷаҷеи аҽцыхәеи: Баҭал Ҳашба еиҭеиҳәеит аԥсуа хыци ахәымпали рҷыдарақәа
    Аҵыхәтәантәи арҿыцра: 15:20 05.07.2019
    15:20 05.07.2019

    Адыӷаҷеи аҽҵыхәеи: Баҭал Ҳашба еиҭеиҳәеит аԥсуа хыци ахәымпали рҷыдарақәа

    Владимир Ԥачлиа ихьӡ зху 1-тәи абжьаратә школ аҟны абаҩрҵәыра арҵаҩыс аус зуа Баҭал Ҳашба аԥсуа хыци ахәымпали рыҟаҵара напаиркит шықәсқәак раԥхьа.

    54
  • Аҵыхәтәантәи арҿыцра: 18:30 27.06.2019
    18:30 27.06.2019

    Аҟазара злоу рыԥшааразы: авокалтә еиндаҭлара "Абжьы зхоу" шымҩаԥысыз

    Аҿар рыбжьара авокалтә еиндаҭлара "Абжьы зхоу" аԥхьатәи амш азы алахәылацәа аԥсышәала ашәа рҳәон. Аҩбатәи амш азы аҳәаанырцәтәи ашәақәа нарыгӡеит. Аконцерт хада мҩаԥысит рашәара 26 рзы. Еиндаҭлон 16 –ҩык алахәылацәа, 9 - 16 шықәса зхыҵуа.

    53
  • Иԥшьоу ача, аҳамӷә, аџьмашьтәа: Леиаа рныҳәара шымҩаԥысыз
    Аҵыхәтәантәи арҿыцра: 16:57 21.06.2019
    16:57 21.06.2019

    Иԥшьоу ача, аҳамӷә, аџьмашьтәа: Леиаа рныҳәара шымҩаԥысыз

    Есышықәса Амшаԥы иашьҭааиуа абыжьбатәи ахашазы имҩаԥыргоит Леиаа рныҳәа. Аныҳәа шымҩаԥысыз шәахәаԥшыр шәылшоит Sputnik иҟанаҵаз авидеонҵамҭаҟны.

    102

Ихадоу атемақәа