10:50 26 Мшаԥы 2018
Аҟәа+ 19°C
Ишиашоу ицо аефир
Денежные купюры и монеты России и Европейского Союза.

Евро ахәԥса ахалара асанкциақәа ирыдырҳәалоит

© Sputnik . Владимир Трефилов
Адунеиаҿы
Икьаҿу ахьарԥш аиура
5 0 0

Европатәи авалиута 80 мааҭ иахысит, адоллар акәзар, 65 мааҭ инаӡеит. Ари зыдҳәало Еиду Америкатәи Аштатқәа Урыстәыла аганахь ала иаднакылаз асанкциа ҿыцқәа роуп.

АҞӘА, мшаԥы 11 — Sputnik. 2016 шықәса ԥхынҷкәынмза аахыс раԥхьаӡа акәны Европатәи авалиута 80 мааҭ иахысит ҳәа аанацҳауеит РИА Новости Москватәи абиржа адыррақәа ҵаҵӷәыс иганы.

Асааҭ 10:05 мск рзы евро 79,73 мааҭ иаԥсан, адоллар – 64,46 мааҭ иаԥсахеит.

Иара убри аамҭазы Brent амарка иатәу анефҭ ахәԥса барельк азы 0,32% илаҟәны иартәеит 70,81 доллар.

Асеиԥш аиҭакрақәа адырҳәалоит ЕАШ (США) Урыстәыла аганахь ала иаднакылаз асанкциа ҿыцқәа.

Еиду Америкатәи Аштатқәа асанкциақәа ирыҵаркит 14 еилахәыреи 17 чынуааи, Олег Дерипаска (En+ Group, агәыԥ "ГАЗ", "Базовый элемент", "РусАл"), Виктор Вексельберг (агәыԥ "Ренова"), Сулеиман Керимов, Кирилл Шамалов, Алексеи Миллер, Андреи Костин.

Иара убри аан аналитикцәа ишырҳәо ала асеиԥш аҭагылазаашьа аамҭақәак роуп иахьыҟало, маҷ-маҷ аџьармыкьа аҽышьақәнартәоит. Ацентртә банк ахантәаҩы Ельвира Набиуллина лажәақәа рыла даар ирымоуп алшара афинанстә ҭышәынтәалара ашьақәымҟьаразы.

Ихадоу атемақәа