АҞӘА, ԥхынгәы 3— Sputnik. Ԥхынгәы 3 инаркны Урыстәыла амчра аиуеит ижәны аԥсҟы акразы административтә ҭакԥхықәра. Аԥсҟы зку ишьа анализ аҟаҵараан литрак аҿы 0,3 грамм аспирҭ алазар, ижәны дыҟоуп ҳәа шьақәырӷәӷәахоит ҳәа аанацҳауеит РИА Новости.
Урыстәыла Ахада Владимир Путин адокумент инапы аҵаиҩит мшаԥы 3 рзы. Иара уаанӡа аус зуаз азакәан аԥнахуам. Уаанӡатәи азакәан инақәыршәаны амашьына аԥсҟы зку ихәылҵуа аҳауаҿ 0,16 миллиграмм асԥирҭ ыҟазар, ижәны дыҟоуп ҳәа ишьан.
Аҿыцрақәа амҩатә ныҟәараҿ ашәарҭадара аиҿкаара иацхраауаны ирбоит. Ашьа алхрала ауаҩы иҭагылазаашьа аилкаара иармариоит амҩатә машәыр аан ауаҩы ихы изымдыруа дыҟазар.
ГИБДД адыррақәа рыла 2017 шықәса рыҩныҵҟа Урыстәыла ижәны амашьына аԥсҟы зкыз ирхырҟьаны 16,2 нызқь авариа ҟалеит. Абри аан иҭахеит 4,6 нызқьҩык ауааԥсыра.
