10:14 24 Хәажәкыра 2019
Ишиашоу ицо аефир
  • USD63.77
  • EUR72.59
Асанкциақәа

ЕАА Урыстәыла аганахьала асанкциақәа рыҿҳәара инахоит

© Fotolia / Alexkich
Адунеиаҿы
Икьаҿу ахьарԥш аиура
13 0 0

Урыстәыла иаҿагылоу асанкциақәа амчра рымазаауеит хәажәкыра 6 инаркны ашықәс нҵәаанӡа.

АҞӘА, хәажәкыра 5 - Sputnik. Америка ахада Дональд Трамп иӡбеит 2014 шықәса рзы, Украинатәи аҭагылазаашьа инадҳәаланы, Урыстәыла аганахьала иалагалаз асанкциақәа рыҿҳәара даҽа шықәсык ирыцҵазарц. Абри атәы аанацҳауеит РИА Новости.

Асанкциақәа алагалан 2014 шықәса хәажәкыра 6 рзы, усҟантәи ахада Барак Обама уи аӡбамҭа инапы анаҵаиҩы ашьҭахь.

"Украина адемократиатә процессқәеи аинститутқәеи ҵызшәаауа, иара аҭынчреи ашәарҭадареи ирԥырхагоу, асуверенитети аҳәынҭқарратә ҵакыреи рзы ишәарҭоу аусқәа мҩаԥызго, уи активқәа закәаншьаҭада изтәызтәуа ахаҿқәа рполитикеи Урыстәылатәи Афедерациа аиҳабыра рполитикеи уаанӡеиԥш уажәгьы Еиду Аштатқәа рмилаҭтә шәарҭадара ҵнашәаауеит", - ҳәа иҩуеит атәыла ахада.

Урыстәылеи мраҭашәаратәи атәылақәеи реизыҟазаашьа ԥхасҭахеит 2014 шықәса рзы Украина аҳәынҭқарратә мчра анеиҭакха ашьҭахьи Ҟрым Урыстәыла аилазаара ианалагалаха ашьҭахьи. Мраҭашәаратәи атәылақәа Урыстәылатәи Афедерациа Украина аусқәа аҽрыланагалеит ҳәа асанкциақәа азышьақәдыргылеит. Аха, аҵыхәтәантәи аамҭақәа рзы, Урыстәыла иаҿагылоу асанкциақәа аԥыхтәуп ҳәа Мраҭашәарантәи аҳәамҭақәа лассы-лассы иуаҳауеит.

 

Ихадоу атемақәа

  • Тото Аџьапуа

    Аԥсны Жәлар рартист, "Ахьӡ-Аԥша" аорден III аҩаӡареи Леон иордени занашьоу, Д.И. Гәлиа ихьӡ зху Аҳәынҭқарратә премиа алауреат, СССР Акомпозиторцәа реидгыла алахәыла Тото Аџьапуа 80 шықәса ихыҵит. Аҟазараҿы раԥхьатәи ишьаҿақәа игәаларшәо, иара дрыхцәажәеит аԥсуа ашәа агәыбылра изыркыз аҭагылазаашьеи ауааи, насгьы иҳәеит ҳаамҭазтәи аԥсуа ашәақәа рҵыхәала игәы иаанаго.

    53
  • Еркәыт Аӡынба

    Ҭырқәтәылантәи шықәсқәак раԥхьа зҭоурыхтә ԥсадгьыл ахь нхара ҳәа иааз Еркәыт Аӡынба игәҭахәыцрақәа.

    152
  • Анна Сангулия

    "Ашацәа изыршаз ала дымҩасит", "изыԥҵәоу аамҭа", "игәахәтәы дахьымӡеит" - абас рҳәоит аԥсуаа ауаҩы илахьынҵазы. Аԥсуаҭҵааратә институт аетнологиеи антропологиеи рыҟәша аҭҵаарадырратә усзуҩ, ААУ адоцент Марина Барцыцԥҳа дазааҭгылоит аԥсуаа ртрадициатә дунеидкылашьаҿы ауахҭа ишазыҟоу.

    64