АҞӘА, мшаԥы 8 - Sputnik. Урыстәыла Амшынеиқәатә флот агәыԥқәа НАТО аҽазыҟаҵарақәа ирхылаԥшуеит, иҟалар зылшо аҭагылазаашьақәа бааԥсқәа рхылаԥшра мҩаԥыргоит ҳәа аанацҳауеит РИА Новости.
"Аҭыԥ заур алшо, аҽазыҟаҵарақәа рҳәаа иҭыҵуа аҭагылазаашьақәа раԥырҟәҟәааразы Урыстәыла арра-мшынтә флот аӷбақәа иақәнагоу ауснагӡатәқәа мҩаԥыргоит. Иазыхианы иҟоуп амшынҟәаратә ракетатә комплексақәа "Бастион", "Бал", амшынтә авиациа аҳаирпланқәа, аԥшыхәратә ӷбақәа", - аҳәоит адырраҭараҿы.
НАТО аҽазыҟаҵарақәа Sea shield-2019 иалахәуп ЕАА, Болгариа, Бырзентәыла, Канада, Нидерланды, Румыниа, Ҭырқәтәыла рыӷбақәеи рҳаирпланқәеи. Аҽазыҟаҵарақәа ирылахәуп Қырҭтәылеи Украинеи.
