11:30 11 Ԥхынҷкәын 2019
Ишиашоу ицо аефир
  • USD63.58
  • EUR70.39

Ҭырқәтәыла аиҳабыра: C-400 ааҳхәоит ҳҳәом, иааҳхәахьеит

© Sputnik / Дмитрий Виноградов
Адунеиаҿы
Икьаҿу ахьарԥш аиура
12 0 0

Уаанӡа Анкара иазгәарҭахьан атәыла аиҳабыра C-400 аахәара мап ацәктәны ишырымбо.

АҞӘА, рашәара 14 - Sputnik. Ҭырқәтәыла адәныҟатәи аусқәа рминистр Мевлиут Чавушоглу аҳәамҭа ҟаиҵеит Пентагон ахада инапынҵақәа назыгӡо Патрик Шанахан азенит-ракетатә комплексқәа С-400 раахәара иазырхо ишәҟәы аҭакс "C-400 аахәара мап ацәктәны иаҳбом" шиҳәо. Абри атәы аанацҳауеит РИА Новости.

"Ҳара иаҳҳәом С-400 ааҳхәоит ҳәа. Ҳара урҭ ааҳхәахьеит. ЕАА С-400 ма F-35 рахь цәшәарак амазар, иаԥаҳҵап аусутә гәыԥ. Аҟазауаа азҵаара ҭырҵааит. Пентагонтәи ашәҟәы иахырҟьаны Ҭырқәтәыла С-400 мап ацәнакуам", - иҳәеит Чавушоглу.

Чавушоглу уи адагьы иазгәеиҭеит Урыстәылеи Ҭырқәтәылеи реилаӡара аҳәаақәа ирҭагӡаны С-400 ианаамҭоу Ҭырқәтәылаҟа инашьҭуп.

"Аӡәгьы азин имам Ҭырқәтәыла дақәымчны дцәажәарц", - иҳәеит Ҭырқәтәыла адәныҟатәи аусқәа рминистр Мевлиут Чавушоглу.

Уаанӡа ажурнал Foreign Policy адырра ҟанаҵахьан ЕАА аҵара зҵо ҭырқәтәылатәи аԥрыҩцәа F-35 апрограмма иалархәхом ҳәа.

ЕАА агәаанагарала С-400 НАТО астандартқәа ирықәшәом.

Ихадоу атемақәа