АҞӘА, цәыббра 24— Sputnik. Урыстәылатәи акоманда Токио имҩаԥысраны иҟоу аолимпиадахь инармышьҭыр алшоит, Урыстәылатәи антидопингтә маҵзура астатус шьақәыргыламхар, абас аҳәамҭа ҟаиҵеит Урыстәыла аолимпиатә еилакы аиҳабы ихаҭыԥуаҩ Станислав Поздниаков.
"Адунеизегьтәи антидопингтә маҵзура (WADA) анагӡаратә еилакы ажәахә инақәыршәаны РУСАДА астатус азҵаара ирццаку апроцедурала имҩаԥгатәуп. Хымчыбжьа ирылагӡаны адыррақәа рбаза аззырхиараны иҟоу аиҿкаарақәа иаздырхиароуп иарбанызаалак агәыҩбара цәырызго адыррақәа рыҟазаара ма рыҟамзаара", - иҳәоит Поздниаков.
Усеиԥш аусқәа анеиҿкаамха РУСАДА астатус иадҳәало апроблемақәа рыхҟьа-ԥҟьақәа урыстәылатәи аспорт аԥеиԥш ашәарҭара иҭанаргылоит.
"Ҽааны Токио имҩаԥысраны иҟоу аԥхынтәи аолимпиадагьы урыстәылатәи акоманда алахәымхар алшоит", - иҳәеит иара.
2020 шықәса рзы Токио имҩаԥысраны иҟоуп аԥхынтәи аолимпиада. Аолимпиада аадыртуеит ԥхынгәы 24 рзы. Нанҳәа 25 рзы Токио имҩаԥгахоит Апаралимпиатә хәмаррақәа.
