11:15 05 Ԥхынгәы 2020
Ишиашоу ицо аефир
  • USD70.50
  • EUR79.22
Адунеи аҿы
Икьаҿу ахьарԥш аиура
12 0 0

Уаанӡа ажурнал The National Interest иазгәанаҭахьан, Урыстәыла арра-мшынтә флот 323 шықәса ахыҵра амшныҳәа аназгәарҭоз ишаанарԥшыз аҵыхәтәантәи аамҭазы акыр зҽеиҭазкыз амч, алшара.

АҞӘА, ԥхынҷкәын 12 – Sputnik. Ажурнал The National Interest иалнакааит адунеи аҿы еиҳа амчхара змоу арра-мшынтә флотқәа хәба ҳәа аанацҳауеит РИА Новости.

Ареитинг аҿы актәи аҭыԥ аҭоуп америкатәи афлот. Иазгәаҭоуп ЕАА адунеи аҿs зегь раасҭа аӷбақәа рацәаны иамоуп ҳәа.

"Иарбанызаалак аҽа тәылак Арра-мшынтә флот иамам америкатәи афлот иамоу ахыԥхьаӡара. Америкатәи аӷбақәа уԥылоит Атлантикатәии, Индиатәии, Иҭынчуи аокеанқәа рҿы, Адгьылбжьаратә мшын аҿы, Персиатәи аӡыбжьахалаҿы", - аҳәоит аматериал атекст аҿы.

Америкатәи афлот иамоуп: авиамҩангагақәа жәаба, адесанттә ӷбақәа жәба, 22 креисер, 62 есминец, 17 фрегат, 72 мшынаҵатә ӷба.

Аҩбатәи аҭыԥ ааннакылеит Китаи. The National Interest адыррақәа рыла, Китаи иамоуп: авиамҩангагак, адесанттә транспортқәа хәба, 25 есминец, 42 фрегат, амшынаҵатә атомтә ӷбақәа хәба, 50 амшынаҵатә ӷбақәа.

Ахԥатәи аҭыԥ аҭоуп Урыстәыла афлот. Иахьазы урыстәылатәи афлот аҿы ахархәара рымоуп: 79 ӷба, авиамҩангагак, акреисерқәа 5, 13 есминец, 52 амшынаҵатә ӷбақәа.

Аԥшьбатәи аҭыԥ ааннакылоит Британиа ду. Британиа ду иамоуп: адесант ӷба дуқәа 3, 19 фрегати есминеци, атомтә мшынаҵатә ӷбақәа 7, абаллистикатә ракетақәа ныҟәызго амшын аҵатә ӷбақәа 4.

Ареитинг хнаркәшоит Иапониа. Атәыла афлот шьақәгылоуп 114 ӷба рыла. Арахь иаҵанакуеит 46 есминец. Амшын аҵатә ӷбақәа 16 адунеи аҿы иреиӷьуп ҳәа иаԥхьаӡоит The National Interest.

Иара убас шәаԥхьар ҟалоит:

Ихадоу атемақәа