АҞӘА, ажьырныҳәа 22 – Sputnik. Дмитри Медведев напхгара зиҭоз аиҳабыра реилазаараҟынтәи быжьҩык аминистрцәа усурҭада иаанхеит. Арахь даҵаранкит Витали Муткогьы, 2018 шықәса раахыс Аинфраструктуразы аиҳабыра рхада ихаҭыԥуаҩыс дыҟан. Абри атәы аанацҳауеит Урыстәыла Аминистрцәа реилазаара апресс-маҵзура.
Мутко иара убасгьы хылаԥшра аиҭон арегион аҿиареи Урыстәылеи Аԥсни Аахыҵ Уаԥстәылеи русеицуреи.
Мутко идагьы аиҳабыра рхада ихаҭыԥуаа Антон Силуанов, Константин Чуиченко, Максим Акимов, Ольга Голодец, Алексеи Гордеев, Дмитри Козак рҭыԥқәа нрыжьит. Убри аан аиҳабыра ҿыц реилазаара далагалоуп Силуанов – Афинансқәа рминистр, Чуиченко – Аиустициа аминистр.
Владимир Путин иусԥҟала аԥыза-министр актәи ихаҭыԥуаҩыс дҟаҵоуп Андреи Белоусов, ихаҭыԥуаас - Дмитри Григоренко, Иури Трутнев, Виктор Абрамченко, Иури Борисов, Татиана Голикова, Алексеи Оверчук, Марат Хуснуллин, Дмитри Чернышенко.
Иара убас шәаԥх́ьар ҟалоит:
-
Путин Урыстәыла Апрокурор хадас Игор Краснов икандидатура аӡбахә иҳәеит
-
Владимир Путин Михаил Мишустин Урыстәыла аԥыза-министр имаҵура идигалеит
