АҞӘА, ажьырныҳәа 22 – Sputnik. Урыстәыла уажәшьҭарнахыс Нхыҵ Кавказ аусқәа рзы аминистрра аԥыхуп. Абри азы аусԥҟа инапы аҵеиҩит Владимир Путин ҳәа аанацҳауеит Кремль апресс-маҵзура.
"Нхыҵ Кавказтәи арегион хылаԥшра азҭоз аминистрра аусқәа Аекономикатә ҿиараз аминистрра анапы ианҵазааит. Аекономикатә ҿиараз аминистрра Нхыҵ Кавказ аусқәа рзы аминистрра иашьҭрақәлаҩны иԥхьаӡазааит", - ҳәа аҳәоит адырраҭараҿы.
Нхыҵ Кавказ аусқәа рзы аминистрра аԥҵан 2014 шықәса рзы. Иара иахықәкы хаданы иҟан арегион аҿиаразы аҳәынҭқарратә программақәеи апроектқәеи аус рыдулара.
2018 шықәса лаҵарамзаахыс аминистрра напхгара аиҭон Сергеи Чеботариов.
Иара убас шәаԥхьар ҟалоит:
-
Путин Урыстәыла Апрокурор хадас Игор Краснов икандидатура аӡбахә иҳәеит
-
Аҳәынҭқарратә Дума Мишустин Урыстәыла аԥыза-министрс икандидатура иақәшаҳаҭхеит
