АҞӘА, хәажәкыра 10 – Sputnik. ЕАА адоллари еврои Москватәи абиржаҿ аныҳәамшқәа рышьҭахь рыхә халеит.
"Уаҵәы" азыԥхьагәаҭаны адоллар акурс 3,6 мааҭ иазҳаит, ишьақәнартәоит 72,2 мааҭ; евро акурс - на 4,4 мааҭ иазҳаит, ишьақәнартәоит 81,9 мааҭ ҳәа аанацҳауеит РИА Новости. шьыжьнаҵы даоллар 72,99 мааҭ иаԥсан, евро - 85 мааҭ.
Аҵыхәтәан адоллар 72 иаԥсахахьан 2016 шықәса хәажәкырамзазы, евро 85 мааҭ, иара убри ашықәс жәабранмзазы.
Урыстәылатәи абиржақәа рҿы рыхәԥса каҳаит анефҭи агази реилахәырақәа. Москватәи абиржаҿ асааҭ 10:27 рзы амааҭтә индекс 7,5% икаҳаит 2514 пункт рҟынӡа, адоллартә индекс РТС — 12,6%, 1100 пункт рҟынӡа.
"Роснефть" акциақәа 14% рцәыӡит, "Газпром" — 9,9%, "Лукойл" — 13,4%. Аҵәахырҭатә банк ақьаадқәа 9,3% рыхәԥса леит, ВТБ –7,3%.
Аныҳәамшқәа раԥхьа анефҭ 30% рыла икаҳаит ОПЕК+ атәылақәа реилаӡара ахышәа-ҵышәа анырзышьақәмыргыла ашьҭахь. Убри аан адоллари еврои ркурс 75 мааҭи 86 мааҭи ихалеит амааҭ аганахьала.
Иара убас шәаԥхьар ҟалоит:
-
Вашингтон агәаӷ шьҭыҵуеит: асанкциақәа Урыстәыла еиҳагьы аԥара азааргоит
