Адунеизегьтәи агәабзиарахьчара аиҿкаараҿ ирҳәеит Москва авирус чымазара аҽзышьҭнахыз

© Sputnik / Сергей Мамонтов / Амедиаҵәахырҭахь аиасраПассажиры московского метро в медицинских масках
Пассажиры московского метро в медицинских масках - Sputnik Аҧсны
Анапаҵаҩра
Уахыки-ҽнаки рыла Москва 1300-ҩык авирус змаз аҿыцуаа аадырԥшит. Иааидкыланы Урыстәыла иахьаҵанакуа авирус рымоуп 15 770-ҩык.

АҞӘА, мшаԥы 13 - Sputnik. Агәабзиарахьчаразы адунеизегьтәи аиҿкаара Мосва иҟоу ахаҭарнак Мелита Вуинович далацәажәеит Москва акоронавирус змоу рхыԥхьаӡара изазҳаз. Аҳҭнықалақь ауаасыра акыр рыҽдырҭынчит, ашәараҭара ахә иашамкәа иршьеит ҳәа лажәақәа аанацҳауеит РИА Новости.

"Амш бзиа ауаа адәахьы идәылнагеит. Уаанӡа иҟаз ахыԥхьаӡара ҳаракымызт, "сара саҵанакрым" ҳәа агәыӷра цәырнагеит", - лҳәеит лара.

Вуинович иазгәалҭеит ԥшьы-мчыбжь раԥхьа Урыстәыла авирус алаҵәара шьшьылаҳаны ишьҭыҵуан ҳәа. Иара убри аан иҟалон ауаа чмазцәазар, аха аҳақьым иахь имнеиуазҭгьы.

Аҵыхәтәантәи уахыки-ҽнаки рыла Москва 1300-ҩык авирус змаз аҿыцуаа аадырԥшит. Ари уаанӡатәи амш иаҿырԥшны 276-ҩык рыла еиҳауп. Зынӡа Урыстәыла аҳҭнықалақь аҿы авирус рымоуп 10 158–ҩык, рыԥсҭазаара иалҵхьеит 72-ҩык.

Иааидкыланы Урыстәыла иахьаҵанакуа авирус рымоуп 15 770-ҩык.

Акоронавирус иазку ажәабжьқәа рзы аҵыхәтәантәи адыррақәа шәрыԥхьар ҟалоит абра>>

Ажәабжьқәа зегьы
0