АҞӘА, мшаԥы 13 – Sputnik. Ииашамкәа амедицинатә сабрада аныҟәгара аҭагылазаашьа еиҳагьы иԥхасҭанытәыр алшоит ҳәа ателеканал "Россия-1" аефир аҿы еиҭалҳәеит Урыстәыла иҟоу Агәабзиарахьчаразы адунеизегьтәи аиҿкаара ахаҭарнак Мелита Вуинович.
"Асабрада уҿаҵаны, унапы умыӡәӡәозар, ауаа арцәа ахьыҟоу унеиуазар, уи акала иухәарҭахом. Асабрада ахаҭа акәзар, ҩ-сааҭк аныҟәгара ашьҭахь икажьтәуп. Мамзар иара ахаҭа аинфекциа арҿиар ҟалоит", - лҳәоит лара.
Мелита Вуинович асабрада шныҟәгатәу атәы далацәажәеит.
Стопкоронавирус.рф асаит аҟны иарбоуп абри азы абжьгарақәа ҳәа лҳәеит лара:
- Асабрада шәҿашәҵаанӡа шәнапқәа шәыӡәӡәароуп, асԥирҭ змоу аӡшьар ала ишәрыцқьароуп.
- Асабрада уҿи уԥынҵеи бзианы иаҵәахуазароуп.
- Асабрада ануҿоу напыла алакьысра иашам.
- Асабрада шәалакьысзар шәнапқәа шәыӡәӡәа ма асԥирҭ змоу аӡшьар ала ишәрыцқьа.
- Асабрада шыцәааклак ишәыԥсах.
- Асабрада анышәҿышәхуа арезинақәа кны ишәҿышәхла, аҟьамсареизакырҭа иҭашәыжь, ахҩа ашәыркы.
- Абри ашьҭахь аҽазныкгьы шәнапқәа шәыӡәӡәа, асԥирҭ ахьышәшь.
Иара убас шәаԥхьар ҟалоит:
