АҞӘА, ԥхынгәы 16 - Sputnik. Аԥсны иҟоу Урыстәыла аладатәи арратә округ аимадаратә ҟәша аррамаҵзурауаа раԥхьаӡа акәны рхы иадырхәеит акосмостә аппарат – спутник "Радуга-1М" анеира ахьыуадаҩу Аԥсны ашьхаратә ҭыԥқәа рҿы аимадара ашьақәыргыларазы. Абри атәы аанацҳауеит Урыстәыла аладатәи арратә округ апресс-маҵзура.
Аимадара ҷыда автомашьынақәа хәба аусура иазырхиан. Иалыршан еиҭаҵуа анапхгаратә пунктқәеи аимадаратә пунктқәеи рыла инарҭбаау акоммуникациатә ҳа ашьақәыргылара.
Аспутник "Радуга-1М" ахархәарала Аԥсны ашьхатә раионқәа рахь аҽазыҟаҵарақәа рҳәаа иҭагӡаны инашьҭын ишифрыркыз аинформациа.
Ауснагӡатә иадԥхьалан 500-ҩык рҟынӡа Аԥсны иҟоу Урыстәыла аладатәи арратә округ аимадаратә ҟәша аррамаҵзурауаа, 50 ак арратә техника – аспутниктә еимадара астанциа "Ливень", БТР-80 иақәгылоу арадиоеимадара "Артек", "КамАЗ" иақәыргылоу арадиоцәаҳәа "Л1" реиԥш иҟақәоу.
Иара убас шәаԥхьар ҟалоит:
- Аԥсны иҟоу Урыстәыла аруаа аҽазыҟаҵарақәа мҩаԥыргоит
-
Аслан Бжьаниа дырҭааит аполигон Ҵабал аҿы Урыстәылеи Аԥсни рыруаа рҽазыҟаҵарақәа
