05:28 17 Рашәара 2021
Ишиашоу ицо аефир
  • USD72.03
  • EUR87.35
Адунеи аҿы
Икьаҿу ахьарԥш аиура
3 0 0

Ердоган ишиҳәаз ала, ашельф аҟны агаз аҭаҵәах иартәоит 500 миллиард кубометр.

АҞӘА, рашәара 6 - Sputnik. Ҭырқәтәыла Амшын еиқәаҿы агаз ахыҵхырҭа ҿыц аԥшааит ҳәа аҳәамҭа ҟаиҵеит Ҭырқәтәыла ахада Реџьеԥ Таиип Ердоган. Абри атәы аанацҳауеит РИА Новости.

"Адгьылкылҵәаратә ӷба Fatih агаз ахыҵхырҭа ҿыц "Амасра-1" аҟны зеиԥш шәагаала 135 миллиард кубометра агаз аԥшааит", — иҳәеит атәыла ахада, Амшын еиқәа аԥшаҳәаҿы абаӷәаза Филиос аартра ацеремониаан. 

Зынӡа Ҭырқәтәыла Амшын еиқәа ари ахәҭаҟны иаԥшаахьоу агаз амҽхак иартәахьеит 500 миллиард кубометра агаз иҳәеит Ҭырқәтәыла ахада.

Иҳаҩсыз ашықәс азы акоманда Fatih иаԥшааит 320 миллиард кубометра агаз ахыҵхырҭа "Сакариа" аҿы, уи ртәылаҿы зегь реиҳа идуу хыҵхырҭоуп.

Уаанӡа адырра ҟарҵахьан Ҭырқәтәыла ахада аҳәамҭа шыҟаиҵаз шәагаала 85 миллиард кубометра амшынеиқәаҿтәи агаз аҭаҵәах ҿыцқәа шиԥшааз.

Ихадоу атемақәа