АҞӘА, нанҳәа 22– Sputnik. Урыстәылатәи абираҟ зоура зықь-метра инаӡоз еиҵырхт Ҟрым жәларбжьаратәи ахәыҷтәы центр "Артек" аԥшаҳәаҿы, абри атәы аанацҳауеит РИА Новости ахәыҷтәы лагер апресс-маҵзура шьаҭас иҟаҵаны.
Есышықәса нанҳәа 22 рзы иазгәарҭуа Урыстәыла аҳәынҭқарратә бираҟ амш иадҳәалаз акциа мҩаԥган аныҳәа аламҭалаз, уи рҽаладырхәит 600-ҩык.
"Акзаара - мчуп, амчи акзаареи - иааироуп" абри алозунг ала, артекаа рԥызацәеи дареи ахәыҷтәы центр аԥшаҳәаҟны еиҵырхит зықь-метра зоура наӡоз урыстәылатәи абираҟ.
Х-ԥшшәыкны еилоу урыстәылатәи абираҟ, нанҳәа 22 1991 шықәсазы Москва раԥхьаӡа акәны Аҩны шкәакәа иахаргылан. Аныҳәа шьақәыргылан Урыстәыла апрезидент иусԥҟала 1994 шықәсазы.
