АҞӘА, абҵ 18 — Sputnik. Аԥсны амашьына арныҟәцаразы аршаҳаҭга ҿыцқәа алагалахоит, иҳәеит Аҳәынҭқарратә автоинспекциа аиҳабы ихаҭыԥуаҩ Рауф Ажьиба.
АМАШЬЫНА АРНЫҞӘЦАРАЗЫ АРШАҲАҬГА ЖӘЫТӘ
© Sputnik
"Аршаҳаҭга ҿыцқәа Европатәи астандартқәа ирықәшәоит, алшарагьы ҟарҵоит Аԥснытәи амашьынарныҟәцаҩцәа Европаҟа рцаразы", — азгәеиҭеит Ажьиба.
Уи адагьы, аршаҳаҭга ҿыцқәа категориала еиҳахоит. Убас, урҭ амашьына дуқәа рырныҟәцараҿы акатегориақәа ирыцҵоуп.
АМАШЬЫНА АРНЫҞӘЦАРАЗЫ АРШАҲАҬГА ҾЫЦ
© Sputnik
Амашьына арныҟәцаразы аршаҳаҭга ҿыцқәа алагалахоит ажьырныҳәа акы 2015 шықәса инаркны.
