АҞӘА, ԥхҷ 6 — Sputnik, Бадраҟ Аҩӡба. АЕ "Амшынеиқәафымцамч" аусураҿы иаарԥшуп хыԥхьаӡара рацәала азакәанеилагарақәа, абри атәы иҳәеит Аԥсны апрокурор хада Алексеи Ломиа.
Хаҭала ишьақәыргылоуп "Амшынеиқәафымцамч" асистема ҩ-структурак: "ИнгурГЕС ", "Перепаднаиа" ацәыӡра.
"Ҳара иҳамоу аматериалқәа шаҳаҭра ҟарҵоит уаанӡатәи "Амшынеиқәафымцамч " аиҳабы Резо Занҭариа асистема аҧҟаҧҵәаҿы иходоу ҩ-структурак шаимарбаз. 2007-тәи ашықәс ашәҟәқәа изларҳәо ала, урҭ ЗҲӘА "Грузэнерго" иатәуп", — иҳәеит Алексеи Ломиа.
Алексеи Ломиа иазгәеиҭеит, азакәан иахыҧаны аҧара аныхра аҭыҧ шамоу, анаплакы иадҳәалам ауаа акомандиравкақәа шрыҭаз.
Иара убас, Апрокуратура хада иҭнаҵаауеит уаанӡатәи АЕ "Амшынеиқәафымцамч" аиҳабыра афымцамч аныхраҿы аилагарақәа шыҟарҵаз, уи ааигәа иҟоу Қарҭтәыла ақыҭақәа рахь ашьҭреи, иара убас, азакәан еилаганы Ҭырқәтәылаҟа аҭиреи азы.
