АҞӘА, ажь 15 – Sputnik, Бадраҟ Аҩӡба. Афымцамч азы атариф аизҳара азҵаара макьана иқәгылаӡам, абри атә иааицҳаит "Амшынеиқәафымцамчы" адиректор хада Аслан Басариа.
"Афымцамч атариф ацҵарахь макьана ҳнеиӡом. Раԥхьаӡа акәны ауаа рсоциалтә ҭагылазашьақәа реиҿкаара аҭахуп, ахә ахшәаарақәа рзы алшара рымазарц", — азгәеиҭеит Басариа.
Басариа иациҵеит иара убас, Аԥсны ӡыла ишбеиоу, афымцастанциа ҿыцқәа рыргылара азхәыцра шаҭахыу.
