АҞӘА, жьҭ 21 – Sputnik, Роберт Џьопуа. Агормон дегидроэпиандростерона аусушьа Аԥсны аҭҵаарадыррақәа ракадемиа аҭҵаара иаҿуижьҭи хы-шықәса иреиҳаны иҵуеит, абри атәы Sputnik акорреспондент иеиҳәеит аинститут аиҳабы Зураб Амқәаб.
"Уи агормон зықәра ааихьоу амаамынқәа ирылаҳҵон. Аамҭа ԥыҭрак ашьҭахь ҳара игәаҳәҭеит агормон злаҳҵыз амаамынқәа ргәынкылара шышьҭыҵыз. Еилаҳкааит аиӷьхаратә ҽыԥсахрақәа хымԥадатәиуп", – иҳәеи Зураб Амқәаб.
Агормон дегидроэпиандростерон абзоурала ауаҩ игормонқәа зегьы рбаланс еиқәнаршәоит. Ахацәа рҟны еиԥш аҳәсацәа рҟынгьы уи агормон 40 шықәса рҟынӡа иҿиоит.
"Ари агормон иҳаҩсыз ашәышықәса 30 ашықәсқәа инаркны рхы иадырхәоит. Усҟан аеффект ӷәӷәа ҟанаҵон, аха ахәшә анҵыра маҷын, уажә акәзар агормон ахархәара ашьҭахьгьы аусура иацнаҵоит",– инаҵшьны иазгәеиҭеит аинститут адиректор.
Аԥсуа ҵарауаа русура алҵшәа еицырдыруа жәларбжьаратәи аҭҵаара-медицинатә конференциақәа рыҟны иҳәан, иазгәеиҭеит Аԥсны Аҭҵаарадыррақәа ракадемиа иатәу Аексперименталтә патологиеи атерапиеи ринститут адиректор Зураб Амқәаб.
