Аԥсны атәанчаҩцәа ироуа аԥара иацлоит

© Sputnik Томас ТхайцукЛеонид Чамагәуа
Леонид Чамагәуа - Sputnik Аҧсны
Анапаҵаҩра
НовостиTelegram
Аԥсны атәанчаҩцәа ироуа аԥара Урыстәыла аладатәи афедералтә округ ироуа абжьаратә тәанчахәы аҟынӡа инаӡо иҟалоит.

АҞӘА, жьҭ 29 – Sputnik, Бадраҟ Аҩӡба. Аԥсны Аҳәынҭқарреи Урыстәылатәи Афедерациеи рыбжьара аусеицуреи астратегиатә еиҩызареи рзы Аиқәшаҳаҭра ишаҳәо ала, Аԥсны инхо Урыстәыла атәылауаа ртәанчахәы Аладатәи Афедералтә округ атәанчаҩцәа ироуа абжьаратә тәанчахәы аҟынӡа инаӡоит, иҳәеит Жәлар реизара адепутат, Асоциалтә политикеи, аџьеи, агәабзиарахьчареи рзы акомитет аиҳабы ихаҭыԥуаҩ Леонид Чамагәуа.

"Аԥсни Урыстәылеи реиқәшаҳаҭра 15-тәи астатиа излаҳәо ала, Урыстәыла ахахьы иагоит Аԥсны инхо Урыстәыла атәылауаа тәанчахәыла реиқәыршәара Аладатәи Афедералтә округ ироуа абжьаратә тәанчахәыла. Ари адокумент инақәыршәаны хымз иҭагӡаны аиқәшаҳаҭра ҳадаҳкылар ауп", — иҳәеит адепутат.

Леонид Чамагәуа иазгәеиҭеит апарламенттә комитет Урыстәылантә иааз аиқәшаҳаҭра апроект аус шаднауло. Уи игәаанагарала, апроект аԥсахрақәа алагалатәуп.

"Апроект аҳәаақәа ирҭагӡаны ҳара иҳадыргалоит хы-шықәса рыҩнуҵаҟа атәанчахәы ацҵара, аха ргәы иҭоуп атәанчахәы афиксациа азура, ажьырныҳәа акы 2015 шықәса иҟоу атәанчахәы ацҵара", — азгәеиҭеит Чамагәуа.

Асоциалтә политикеи, аџьеи, агәабзиарахьчареи рзы акомитет аиҳабы ихаҭыԥуаҩ Леонид Чамагәуа иаҳа ииашоуп ҳәа иԥхьаӡоит изцырҵо атәанчахәы шықәсыцыԥхьаӡа афиксациа азулазарц.

Ажәабжьқәа зегьы
0