Судан иҭҟәаны иргаз аурысқәа дрылан аҭыԥантәи амҩаԥгаҩгьы

© Фото : AP Photo/Mackenzie Knowles-CoursinСудан иҭҟәаны иргаз аурысқәа дрылан аҭыԥантәи амҩаԥгаҩ
Судан иҭҟәаны иргаз аурысқәа дрылан аҭыԥантәи амҩаԥгаҩ - Sputnik Аҧсны
Анапаҵаҩра
НовостиTelegram
Ҩыџьа аурысқәа ҭҟәаны иргеит ажьырныҳәа 29 рзы Судан, Залингеи ақалақь аҟны. Ари аинформациа шьақәнарӷәӷәеит Дарфур иҟоу Африка абжьаҟазаратә еилазаареи Еидҵоу амилаҭқәа реидгылеи (UNAMID).

АҞӘА, жәб 3 – Sputnik. Судан иҭҟәаны иргаз аурыс қәа, авиакомпаниа "ЮТэйр" аусуаҩцәа дрылан аҭыԥантәи амҩаԥгаҩ. Абри атәы аанацҳауеит РИА Новости, Судан адәныҟатәи аусқәа рминистрра адыррала.

"Уи автобус дрыцҭан, аурыс усзуҩцәа ҭҟәаны ианыргоз, иаргьы дыргеит. Урҭ ахьыргаз ҳаздыруам", — иҳәеит изаҿцәажәоз адәныҟатәи аусқәа рминистрра ахаҭарнак.

Дарфур иҟоу Африка абжьаҟазаратә еилазаареи Еидҵоу амилаҭқәа реидгылеи (UNAMID) уи аԥхьаҟа ишьақәнарӷәӷәеит ҩыџьа аурысқәа ҭҟәаны ишыргаз асабрадақәа зҿаз ауаа, урҭ автобус ианҭаз аамҭазы. Аинформациатә хархәагақәа излаарыцҳауа ала, иҭҟәаны игоу рхы рақәиҭтәразы имҩаԥыргоит аусмҩаԥгатәқәа.

Авиакомпаниа "UTair" ишьақәнарӷәӷәеит ҩыџьа аусзуҩцәа Дарфур ишыҭҟәоу, насгьы аҭҟәаҩцәа рҭахрақәа шаармыцҳац.

Урыстәыла адипломатиатә миссиа апресс-атташе Артур Сафуков иааицҳауеит иҭҟәаны игоу рхы рақәиҭтәраз иалшо аусқәа зегь шыҟарҵо.

Уаанӡа, Судан адипломатиатә маҵзура ахаҭарнак Sputnik ишаиҳәаз ала, аҭҟәацәа роужьра ацәгьоуцәа ахәԥса рҭахуп.

Ажәабжьқәа зегьы
0