Манагуа Укараиназы Москва иамоу апозициа иадгылоуп - Ортега

© AP Photo Esteban FelixНикарагуа абираҟ. Архивтә фото.
Никарагуа абираҟ. Архивтә фото. - Sputnik Аҧсны
Анапаҵаҩра
НовостиTelegram
Даниель Ортега Урыстәылатәи Афедерациа Атәылахьчара аминистр даниԥылоз иазгәеиҭеит аҩ-тәылак ԥхьаҟагьы реиҩызаратә еизыҟазаашьақәа шеизырҳалатәу, арра-техникатә усеицура аганахьалагьы уахь иналаҵаны.

АҞӘА, жәб 13 — Sputnik. Никарагуа мрагыларатәи Украина аҭагылазаашьа аиӷьтәразы Урыстәыла апозициа иадгылоуп, иҳәеит аҳәынҭарра ахада Даниель Ортега Урыстәылатәи Афедерациа атәылахьчара аминистр ар реинрал Сергеи Шоигу иԥылараан. Абри атәы аанацҳауеит РИА Новости.

"Ҳара Урыстәыла ахада Владимир Путин мрагыларатәи Украина аҭагылазаашьа аиӷьтәразы ипозициа ҳадгылоуп", – иҳәеит Ортега Шоигу иԥылараан.

Ортега инаҵшьны иазгәеиҭеит Урыстәылатәи Афедерациа атәылахьчара аминистр  аҳәынҭқарра иаҭаара аҩ-тәылак ԥхьаҟагьы реиҩызареи, реизыҟазаашьақәа реизырҳареи рзы даара ишыхадоу. Аиԥылара цонаҵы Никарагуа ахада иаззгәеиҭеит Еиду Америкатә Штатқәа аглобалтә политикахь анырра цәгьа шыҟарҵо.

"Еиду Америкатә Штатқәа адунеи зегьы хыла-гәыла еиланаҵоит. Америка ахьыҟоу – есқьынагь еилаҩ-еиласроуп", – иҳәеит Даниел Ортега.

Урыстәылатәи Афедерациа атәылахьчара аминистр иԥылараан Никарагуа ахада иаиҳәеит имҩаԥгаз ареформақәеи, Урыстәыла арбџьармчқәеи ртәы. Ортега Шоигу аҩ-тәылак аиҩызаратә еизыҟазаашьақәа илагалазы иҭабуп ҳәа иаиҳәеит. Иара убас аиԥылараан мрагыларатәи Украина аҭагылазаашьеи егьырҭ арегионалтәи аглобалтәи азҵаарқәеи рзы рпозициақәа шеиԥшу аӡбахә ҳәан.

Ажәабжьқәа зегьы
0