АҞӘА, хәжәк 2 – Sputnik. ОБСЕ ахылаԥшратә комиссиа алшара амам Донбасс арбџьар хьанҭақәа зегь реиҭаҵра ахылаԥшра аҭара, еиҿагылоу аганқәа аинформациа нарышьҭуам, иҳәеит ашәахьа ОБСЕ ахаҭарнак Маикл Бочуркив. Абри атәы аанацҳауеит РИА Новости.
Амҽыша Донецктәи жәлар республика ахаҭарнакҵәа алаҳәара ҟарҵеит ОБСЕ анаԥшцәа алархәны арбџьар хьанҭа анаскьагара шыхдыркәшаз. Уи ашьҭахь Лугансктәи жәлар республикагьы алаҳәара ҟанаҵеит ОБСЕ ахаҭарнакцәа алархәны арбџьар хьанҭа шынаскьаргаз. Украина аруаа излаарыцҳауала, иара убас, аҭынчра ашьақәаргылараз аиқәшаҳаҭра актәи аетап хдыркәшеит. Ахәылбыҽха аганқәа ахара рыдеибаҵеит аҭынчра еилазго ахысрақәа ирхырҟьаны.
"ОБЕСЕ ахаҭарнак излеиҳәо ала, амиссиа алшара амам арбџьар хьанҭа аиҭаҵрақәа зегьы рхылаԥшраз. Иҟан ахҭысқәа амиссиа аусзуҩцәа анынармышьҭуаз арбџьар хьанҭа ахьыҟаз аҭыԥқәеи, иахьиаргози рахь", — иҳәеит Бочуркив агазеҭ "Коммерсант" акорреспондент даниацәажәоз.
Уи иажәақәа рыла, ОБСЕ аофициалтә позициа аҽамԥсахит: анаԥшыҩцәа уаанӡеиԥш Украина арбџьармчқәеи, Донбасс аибашьцәеи рҟынтәи ирҭахуп арбџьармчқәа реиҭаҵреи иахьиарго аҭыԥқәеи рзы аинформациа. Бочуркив иажәақәа рыла, аҩ-ганкгьы ус еиԥш иҟоу аинформациа аармышьҭит, уи иахҟьаны ОБСЕ аусура ишақәнагоу анагӡара залшом.
