Аҟәа урыстәылатәи абжьаҟазацәа рбаҟа дыргылоит

© Sputnik Томас ТхайцукАбжьаҟазацәа рбаҟа Аҟәа идыргылоит
Абжьаҟазацәа рбаҟа Аҟәа идыргылоит - Sputnik Аҧсны
Анапаҵаҩра
НовостиTelegram
Абаҟа авторцәа – архитектор Владимир Сиагини аскульптор Владимир Суровцеви Аԥсны иҭахаз Урыстәыла абжьаҟазацәа ргәалашәара анаунагӡатәразы ҩ-метрак инеиуа аибашьҩы ибаҟа аргылара ргәы иҭоуп. Абаҟа ашьҭахь ф-метрак инеиуа амармалташьи агранити ирылху астелла ргылазаауеит.

АҞӘА, хәжәк 2 – Sputnik, Роберт Џьопуа. Абжьаҟазаратә миссиа амҩаԥгараан Аԥсны иҭахаз Урыстәыла аруаа рзы абаҟа Аҟәа иргылахоит, ҳәа Sputnik акорреспондент иеиҳәеит Архитектуреи аргылареи рзы Аҟәа ахадара Апроекттә институт "Сухгорпроект" адиректор Оҭар Кьебуриа.

"Абаҟа ахьдыргыло аҭыԥ акыраамҭа иашьҭан. Аҵыхәтәан иӡбан Идырым Аибашьҩы ибаҟа ахьыҟоу аллеиа аҟны аргылара. Арҭ абаҟақәа тематикала еишьашәалоуп. Аҩбагьы рызкуп аҭынчразы иқәԥоз асолдаҭцәа", — иҳәеит Кьебуриа.

Уи иажәақәа рыла, аргылара атехникатә ган Аԥсны инанагӡоит. Аусурақәа ирылагаанӡа анџьнырцәа ауадаҩрақәа рԥынгылеит: аколлектор ахҩа абаҟа аԥхьа акыр еиҳа иҭбаахеит иҟаз агәаанагарақәа раасҭа, убри аҟнытә аргылаҩцәа аԥхьатәи рыгәҭакқәа рыԥсахыр акәхеит. 

"Иҭахаз аурыс бжьаҟазацәа рзы абаҟа аргыларазы аусурақәа мҩаԥысуеижьҭеи мчыбжьқәак ҵуеит", — азгәеиҭеит Кьебуриа.

Адиректор иажәақәа рыла, абаҟа авторцәа – архитектор Владимир Сиагини аскульптор Владимир Суровцеви Аԥсны иҭахаз Урыстәыла абжьаҟазацәа рбаҟа: ҩ-метрак инеиуа аибашьҩы-асолдаҭ иргылара ргәы иҭоуп. Уи ишьҭахь ф-метрак инеиуа амалмалташьи агранити иалху астелла дыргылоит.

Иҭахаз аурыс бжьаҟазацәа рзы абаҟа аргылара аартра ргәы иҭоуп лаҵарамза 9, 2015 шықәсазы, Аџьынџьтәылатә еибашьра ду аҟны аиааира 70 шықәса аҵра инақәыршәаны.

Абжьаҟазаратә мчқәа Аԥсны иалагалан ақырҭуа-аԥсуа еибашьра анеилга Москватәи аиқәшаҳаҭра (лаҵара 14, 1994 шықәса) инақәыршәаны.
14 шықәса имҩаԥысуаз абжьаҟазаратә усура иалахәын 70 нызқьҩык Урыстәылатәи аруаа, урҭ рахьтә 117-ҩык Аԥсны аҭынчразы иҭахеит.

Ажәабжьқәа зегьы
0