АҞӘА, хәжәк 29 — Sputnik. Денис Царгәыш Сҭампыл имҩаҧыуаз Иашар Догу ихьӡ зху Жәларбжьаратәи зхы иақәиҭу ақәҧаразы атурнир афинал аҟны агран-при даиааит, абри атәы Ҭырқәтәыла иҟоу Аҧсны ахаҭарнак Инар Гыцба Sputnik акорреспондент иаиҳәеит.
Инар Гыца излаиҳәо ала, Денис Царгәыш афиналтә еиқәҧараҿы Ҭықәәылатәи ақәҧаҩ Демирташьа Сонер дыииааит. Уи аҧхьа Царгәыш америкатәи ақәԥаҩ Давид Теилор диақәҧон, аҧсуа спортсмен 10:0 ҳәа даиааит, азгәеиҭеит ахаҭарнак.
Амҽыша атурнир аполуфинал аҟны 57 килограмм иҟоу аҧсуа спортсмен Рустам Ампар дықәҧоит.
Зхы иақәиҭу ақәҧаразы Иашар Догу ихьӡ зху 43-тәи жәларбжьаратәи атурниримҩаҧысуеит ҩымш, хәажәкыра 28 инаркны 29-нӡа, Сҭампыл ақалақь, аспорттә омплекс Аҳмеҭ Џьомерҭ аҟны. Атурнир иалахәуп 300-ҩык аспортсменцәа 21 тәыла рҟынтә.
Денис Царгәыш – зхы иақәиҭу ақәҧаразы хынтә раан адунеи дачемпионуп, Урыстәыла ҧшьынтә дчемпионхахьеит, Европа хынтә ахьы игахьеит, Лондон Олимпиатәи ахәмаррақәа раан араӡны даиааит.
