Ельвира Арсалиа: ажәар аҭыҵра Аԥсныи Францеи реимадара арӷәӷәоит

© Фото : предоставлено министерством культурыАԥсуа-афранцыз жәар
Аԥсуа-афранцыз жәар - Sputnik Аҧсны
Анапаҵаҩра
НовостиTelegram
Франциа иҭыжьуп "Аԥсуа-афранцыз жәар", уи аԥхьажәаҿы иазгәаҭоуп аԥсуа бызшәа иуникалтәу абызшәақәа рахь ишаҵанакуа.

АҞӘА, хәжәк 30 – Sputnik, Анастасиа Никонова.  "Аԥсуа-афранцыз жәар" аҭыжьра – ҩ-тәылак ркультуратә еимадарақәа зырӷәӷәо акоуп, лҳәеит Sputnik акорреспондент данлыцәажәоз Акультуреи аҭоурыхтә-культуратә ҭынха ахьчареи рминистр Ельвира Арсалиа.

"Ас еиԥш иҟоу ажәар аҭыҵра афакт ахаҭагьы, ҳәарада, аинтерес аҵоуп, аха Аԥсныи Францеи ирыбжьоу ркультуратә еизыҟазаашьақәа рҭоурых ҳгәалаҳаршәар, уи иамоу аҵакы еиҳагьы иҭбаахоит. Ҿырԥштәыс иааҳгозар, уаҟа акыраамҭа аус иуан аԥсуа сахьаҭыхҩы Александр Чачба-Шервашиӡе", — лҳәеит Арсалиа.

Аԥсуа-афранцыз жәар 217 даҟьа амоуп. Ашәҟәаҿы иазааҭгыланы иахцәажәоуп аԥсуа бызшәа аҭоурых, уи иуникалтәу абызшәақәа рахь ишаҵанакуа. Ажәар аԥсуа жәлар ркультуреи рҭоурыхи аанарԥшуеит. Уи шьақәгылоуп ацәажәараҿы еиҳа ахархәара зырҭо ажәақәа рыла.

Ажәар аҟны, иара убас, ахҳәаа ҟаҵоуп Дырмит Гәлиа, Баграт Шьынқәба, Фазиль Искандер уҳәа адунеиаҿы еицырдыруа аԥсуа шәҟәыҩҩцәеи апоетцәеи рырҿиара.

Ажәар аҟны иазааҭгылоуп Аԥсны раԥхьатәи ахада Владислав Григори-иԥа Арӡынба ҳтәыла аҭоурых аҿы иааникыло аҭыԥ. Иара убас, ашәҟәы иануп 1992-1993 шықәсқәа рзтәи Аԥсны Аџьынџьтәылатәи еибашьра аҭоурыхи, 2008 шықәсазы ҳтәыла ахьыԥшымра иаиуыз азхаҵареи ирызку адыррақәа.

Аҭыжьымҭа давторуп – Мишель Молерба. Ажәар аҭыжьраҿы уи ацхыраара ирҭеит шьҭрала и-Аҟәатәиу Мариа Кальтенбах-Шевцовеи, уи лыԥшәма Ерик Кальтенбахи.

Ашәҟәы аиқәыршәаразы ахархәара рызун аԥсуа интернет-хыҵхырҭақәа, аҵарауаҩ Виачеслав Чрыгба ишәҟәқәа, Кавказтәи абызшәақәа ржәар, иара убас аԥсуа бызшәа асинтаксис азы аочеркқәа.

Аԥсуа-афранцыз жәар ҭыҵит 2014 шықәсазы Франциа, ашәҟәҭыжьырҭа  L`Harmattan аҟны.

© Фото : предоставлено министерством культурыАԥсуа-афранцыз жәар.
Аԥсуа-афранцыз жәар. - Sputnik Аҧсны
Аԥсуа-афранцыз жәар.

 

Ажәабжьқәа зегьы
0