Европауаа ргәаанагарала Бырзентәыла ауал ашәароуп

Анапаҵаҩра
НовостиTelegram
Апроект Sputnik.Агәаанагарақәа аҳәаақәа ирҭагӡаны агентра ICM Research имҩаԥнагаз азҵаара алҵшәақәа рыла, европауаа рыбжеиҳараҩык ргәаанагарала Бырзентәыла ахала ахатә уалқәа ашәароуп, Европатәи аидгылара аламырхәӡакәа.

Европатәи атәылақәа рҟынтәи изызҵааз ргәаанагарала Бырзентәыла Европатәи аидгылара аламырхәӡакәа ахала ауалқәа ашәароуп. Ус изызҵааз рҟынтәи ргәы иаанагоит 51%. Британиа Дуи Германиеи ртәылауаа рҟынтәи 62-69% рҟынӡа Бырзентәыла ахала ауал ашәароуп ҳәа аҭак ҟарҵеит.

Азҵаара мҩаԥнагеит акомпаниа ICM Research 2015 шықәса хәажәкыра 2, мшаԥы 9-нӡа, Британиа Ду, Франциа, Германиа иара убас Бырзентәыла аинформациатә хеилак  Sputnik азы.

Бырзентәыла атәылауаа ари азҵаара азыҳәа даҽа гәаанагарак рымоуп. Азҵаара  "дарбан шәгәанала Бырзентәыла ауал зшәаша" 55% аҭак ақәшаҳаҭхеит ауал ашәара шаҭахым. 25% мацара роуп атәыла ахала ауал ашәароуп ҳәа згәы иаанаго.

Азҵаара "шәгәы ишԥаанаго, шәтәыла аевро мап ацәкны амилаҭтә волиута ахь агьежьра ахәҭоума" 53% европауаа аҭак ҟарҵеит ртәыла евро мап ацәнакыр ахәҭам ҳәа.

Аҭҵаара мҩаԥнагеит акомпаниа  ICM Research ажәабжьтә агентра Sputnik азы хәажәкыра 20 инаркны мшаԥымза 9-нӡа, Британиа ду, Франциа, Германиа, Бырзентәыла. Азҵаара рыҭан 4001-ҩык (1001-ҩык Бырзентәыла, егьырҭ атәылақәа рҿы 1000-ҩык). Азҵаара рыҭан еиуеиԥшым аҭыԥқәа рҟны инхо қәрала еиԥшым аҳәсеи ахацәеи.

Ажәабжьқәа зегьы
0