АҞӘА, лаҵ 27 – Sputnik. Аԥсны Ахада Рауль Ҳаџьымбеи Урыстәыла Аҩадатәи Кавказ аусқәа рзы аминистр Лев Кузнецови реиԥылара мҩаԥысит Аҟәа, лаҵара 27 рзы, ҳәа Аԥсны ахада иофициалтә саит аҟны иануп.
Аиԥылара цонаҵы аганқәа 2015-2017 шықәсазы Аԥсны Аҳәынҭқарра асоциал-економикатә ҿиара ацхырааразы аинвестициатә программа аусура ирылацәажәеит, ҳәа иануп аацҳамҭаҟны.
Лев Кузнецов Ҳаџьымба аинвестициатә программа иашьаҭоу асоциал-енергетикатәи инфраструктура аобиектқәа рҭаара алҵшәақәа изеиҭеиҳәеит, абри атәы аанацҳауеит Аԥсны Ахада иофициалтә саит.
"Аԥыза министр Артур Амқәаби ҳареи ҳаицхырааны аобиектқәа рзы ирҿыцны аамҭеихшара аԥҵара ҳгәиҭоуп, уи ҳәарада, аҳәынҭқарра атәылауаа рыԥсҭазаара аиӷьтәразы ицхыраагӡахоит", – иазгәеиҭеит Лев Кузнецов.
Аԥсны Аинвестициатә программақәа русура алагара иазхиоуп, ҳәа инаҵшьны иазгәеиҭеит Ҳаџьымба.
"Урҭ аусурақәа рымҩаԥгараан ахылаԥшра ӷәӷәа аҭатәуп", – ҳәа ациҵеит Ахада.
Аҩадатәи Кавказ аусқәа рзы Урыстәылатәи Афедерациа аминистр Лев Кузнецов аамҭа кьаҿла аусура аҵыхәала Аԥсныҟа дааит.
