Шамиль Аӡынба: аҳәынҭқарра иауӡом хатәгәаԥхарала аҩнқәа рыкра иалагар

© Sputnik Томас ТхайцукВице-премьер Шамиль Адзынба. Фото с места события.
Вице-премьер Шамиль Адзынба. Фото с места события. - Sputnik Аҧсны
Анапаҵаҩра
НовостиTelegram
Аԥсны аԥыза-министр актәи ихаҭыԥуаҩ Шамиль Аӡынба анхарҭа азҵаара далацәажәеит.

АҞӘА, рашә 8 — Sputnik, Бадраҟ Аҩӡба. Ауаа 15-20 шықәса анхарҭа аиуразы агәаран иқәгылоуп, урҭ азакәан иқәныҟәоит, раамҭа иазыԥшуп. Ус анакәха, урҭ рганахьала закәандарыла ироураны иҟаз ауадақәа раанкылара иашам ҳәа азгәеиҭеит Шамиль Аӡынба, Sputnik аинтервиу аҭауа.

Иара иазгәеиҭеит иара убасгьы, аҳәынҭқарра асеиԥш азакәандара шалнамыршо.

"Ҳара ибзиаӡаны еилаҳкаауеит ауаа, ахыҵакырҭа змам рҭагылазаашьа, иахьатәи аамҭазы аҟәрышь арҳара шыуадаҩу, иара иурҳазгьы анхарҭа ҭыԥ ахә ахшәааразы ианнухуа угәалаҟазаара шыҟанаҵо, аха иаҳхаҳмыршҭыроуп аҳәынҭқаррагьы ахатәы закәанқәа ишрықәныҟәо", — ҳәа дҳацәажәеит Аӡынба.

Иара убасгьы дазааҭгылеит Гәымсҭатәи амҩаҟны иааныркылаз аихагылаҩны анхарҭазы ахархәара шалымшо, аҳәынҭқарра ацхыраарада иара аиҭашьақәыргылара шыуадаҩу.

"Ари аҩнаҟны иарбанызаалак коммуникациа ҳәа акгьы ыҟаӡам. Ауаа рхаԥызала иҩналар, урҭ шьақәзыргылода? Дара ирҳәоит аремонт ҳхала аҟаҵара ҳалҳаршоит ҳәа, аха уи залыршахом. Аремонт иаҭахуп имаҷым аԥаратә малқәа, аҳәынҭқарра ацхыраарада уи акыр иуадаҩуп", — иҳәеит Шамиль Аӡынба.

Иара убри аамҭазы аԥыза-министр актәи ихаҭыԥуаҩ инаҵшьны иазгәеиҭеит аҭаацәара ҿарақәа рзы анхарҭаҭыԥқәа реиқәыршәара аҳәынҭқарра хшыҩзышьҭра аҭара шагәҭаку.

"Аҳәынҭқарразы ихадоу акакәны иҟазароуп аҭаацәара ҿарақәа рзы ацхыраара. Сара сгәы иаанагоит анапхгара ҭынч абри аус адуларазы алшара рыҭатәуп ҳәа. Анхара аус аӡбразы Аҿартә политиказы Аилак ажәалагала ҟанаҵеит 600-800 нызқь рҟынӡа зыхә наӡо акоттеджқәа ргылазарц".

Иара убасгьы иациҵеит, атәыла Ахада аремонт зҭахны иҟоу аҩнқәа еиҭашьақәыргыланы анхара зҭаху ауаа ироуртә иҟаларц азы адҵа шыҟаиҵаз.

"2016 шықәса рзы, сгәы иаанагоит, ҩынқәак еиҭашьақәыргылахап ҳәа, ус, маҷ-маҷ аҭаацәара ҿарақәа зегьы нхарҭаҭыԥла реиқәыршәара алҳаршап, ҳәа иажәа хиркәшеит Шамиль Аӡынба.

Ажәабжьқәа зегьы
0