Италиатәи адипобесравториа Еланда Аиԥҳа лбаҩхатәра азгзәарҭеит

© Sputnik Томас ТхайцукИталиатәи адипобесравториа Еланда Аиԥҳа лбаҩхатәра азгзәарҭеит
Италиатәи адипобесравториа Еланда Аиԥҳа лбаҩхатәра азгзәарҭеит - Sputnik Аҧсны
Анапаҵаҩра
НовостиTelegram
Италиатәи Адунеижәларбжьаратә дипломатиатә обсерваториа ахаҭарныкцәа зхала аиталиан бызшәа зҵаз, фышықәса зхыҵуа Бармышьтәи аҭыԥҳа Еланда Аиԥҳа лнапаҟны асертификат лдыркит.

АҞӘА, рашә 9 — Sputnik, Асҭанда Арӡынԥҳа. Еланда Аиԥҳа лыӡбахә Италианӡа инаӡеит. Италиатәи Адунеижәларбжьаратә дипломатиатә обсерваториа иаӡбеит аӡӷаб иҷыдоу лылшамҭақәа азгәарҭарц, ҳәа иҳәеит Аԥсны Адәныҟатәи аусқәа рминистр ихаҭыԥуаҩ Кан Ҭаниа Sputnik акорреспондент даниҿцәажәоз.

Фы-шықәса зхыҵуа Бармышьтәи аӡӷаб лхала аиталиан бызшәа лҵеит

"Вито Гриттани, Адунеижәларбжьаратә дипломатиатә обсерваториа ашьаҭаркҩы, Еланда Аиԥҳа лыӡбахә аинтернет аҟны ианиаҳа иӡбеит ихьӡалеи напхгара зиҭо аусҳәарҭа ахьӡалеи иҷыдоу аҟазшьа амчала зхала аиталиан бызшәа аҵара зылшаз аӡӷаб хәыҷы асертификат ланашьазарц", - иҳәеит Кан Ҭаниа.

Адунеижәларбжьаратә дипломатиатә обсерваториа ахаҭарнакцәеи Еланда Аиԥҳаи реиԥылара мҩаԥысит Аԥсны Адәныҟатәи аусқәа рминистрраҟны, рашәарамза 8 рзы. Иуникалу абаҩхатәра нцәа изаҭәеишьаз аӡӷаб лнапаҟны илыркын асертификат, ҳамҭас илыҭан италиан бызшәала иҩу ашәҟәы.

Ажәабжьқәа зегьы
0