Атәылаҟны ираԥхьатәиу ахәыҷтәы инклиузивтә хәмарҭа ҭыԥ аргыларазы Аԥсны ихацыркхеит агәыҳалалратә концертқәа "Агәшаҭара анотақәа". Аԥхьатәи аконцерт мҩаԥысит Аҳәынҭқарратә филармониаҟны, аҩаша, рашәара 23 рзы.
Афонд "Вереск" адиректор Викториа Думааԥҳа Sputnik акорреспондент ишиалҳәаз ала апроект ахықәкы – еиуеиԥшымкәа алшарақәа змоу ауаа ауаажәларраҟны аинырра рылыршароуп.
Агәыҳалалратә концерт аиҿкааҩцәа руак, амузыкант Ольга Дашевскаиа лажәақәа рыла, ауаажәларра рҟны агәыҳалалра амҩаԥгара иаразнакы изцәырҵуам. Агәшаҭара анотақәагьы" зызку убри ауп.
Аконцерт аан азал иҩныҩуан Гендель, Моцарт, Бетховен, Бизе, Глазунов, аԥсуа композитор Петр Петров рмузыка.
