АҞӘА, ԥхынгәы 6 — Sputnik. Бырзентәыла имҩаԥысуаз ареферендум аҟны 100% алахәылацәа рбиуллитенқәа рыԥхьаӡара аихшьаалақәа инарықәыршәаны, ауалҳәаҩцәа рҭахрақәа «мап» ҳәа аҭак рырҭеит 61,31% алхыҩцәа, "ааи" ҳәа аҭак ҟарҵеит — 38,69%. Иԥхасҭатәуп ҳәа иԥхьаӡоуп 5,8% абиуллитенқәа.
Рашәарамза 25 рзы, аекономиа хьанҭа аполитика ацҵара азыԥхьагәазҭо, Европатәи акомиссиеи, Европатәи аценртә банки, Жәларбжьаратәи авалиутатә фонди ирыднагалаз аиқәшаҳаҭра апроект адкыларазы, Бырзентәыла аиҳабыра рыжәлар ирырҭеит алшара "ааи", ма "мап" ҳәа ари азҵаара аҭак аҟаҵара.
Бырзентәыла имҩаԥысуаз ареферендум рылаԥш ахын адунеи зегь аҟны, избанзар иара алҵшәақәа ирылшоит Евроеидгыла ԥхьаҟатәи аԥеиԥши иааидкыланы адунеитә економикеи анырра ду рыҭара.
