Ҳаџьымба: азинтә шьаҭа змоу аҳәынҭқарра аԥҵара — уаажәларратә усуп

© Sputnik Томас ТхайцукПрезидент Рауль Хаджимба на отчетном собрании АНА. Фото с места события.
Президент Рауль Хаджимба на отчетном собрании АНА. Фото с места события. - Sputnik Аҧсны
Анапаҵаҩра
НовостиTelegram
Апрограмма анагӡара иалахәызароуп аҵареи акультуреи русбарҭақәа, аҳәынҭқарратә СМИ, аинтернет ресурсқәа, аҟазаратәи арҿиаратәи еидгылақәа иҳәеит атәыла ахада.

АҞӘА, ԥхынгәы 29 — Sputnik, Наала Аҩӡыԥҳа. Рауль Ҳаџьымба атәыла ахада Иусбарҭеи Аминистрцәа Реилазаареи рнапы ианиҵеит аҟазацәеи, азинуааи, аинтеллигенциеи ауаажәларреи рхаҭарнакцәа злахәу аусутә гәыԥ аԥырҵарц. Урҭ хымз рыҩныҵҟа иаздырхиароуп азиншьаҭа змоу аҳәынҭқарра аргылара иацхраауа аҳәынҭқарратә программа апроект. Абри атәы Ҳаџьымба ирылеиҳәеит ахашаҽны, атәыла ахада хантәаҩра ззиуаз Аминистрцәа Реилазаара аилатәараҟны.

Атәыла ахада иазиԥхьаӡоит акыр шықәса раахыс ауаажәларратә еилазаараҟны ишышьақәгылаз "иԥырхагоу аинерциа". Аҳәынҭқарратә аппарати иара ус ауааԥсыреи ирԥыло апроблемақәа азакәан инақәыршәаны акәымкәа "аилкаарала" ирыӡбоит.

Ҳаџьымба: Аҟәа шәкыла иҭацәу ауадақәа ыҟоуп

"Ҳара есыҽны иаҳԥылоит еиуеиԥшым, зиндарыла имҩаԥысуа аҭагылазаашьақәеи ахҭысқәеи. Урҭ рҟны лассы-лассы ирылахәуп азакәан ахьчареи арӷәӷәареи знапы иану ауаа", — иҳәеит иара.

Ари апроблема азинхьчаратә органқәа рымчдареи урҭ инагӡаны апрофессионалтә ҟазара ахьрыцәмаҷуи аматериал-техникатә еиқәыршәара бзиа ахьрымами роуп изылҵшәаны иҟоу ҳәа азгәеиҭеит Ҳаџьымба. Иара убасгьы иҳәеит ирылшо зегь шыҟарҵо азинхьчаратә усбарҭақәа атәыла аҿаԥхьа иқәгылоу адҵақәа ирықәшәо иҟаларцаз.

Иара убри аан арҭ адҵаақәа иааԥымҵәаӡакәа ирыздырҳалоит иҳәеит атәыла ахада.

Азинхьчара аиҿкаареи азинтә ҳәынҭқарра аргылареи даара акрызҵазкуа уаажәларратә усуп, уи аӡбра иалахәызароуп амчрақәа зегьы ҳәа азгәеиҭеит Ҳаџьымба.

"Ҳара иаҳхамшҭкәа иаҳгәалаҳаршәалароуп ҳажәлар ахаангьы еидызкылоз ҳидеиатәии ҳдоуҳатәи акзаара. Убри азы иаҭахны иҟоуп аҳәынҭқарратә программа – ажәлар ҳаԥсадгьыл ԥхьаҟатәи аԥеиԥш аидеиа акәша-мыкәша еидызкыло", — иҳәеит атәыла ахада.

Рауль Ҳаџьымба иажәақәа рыла, апрограмма анагӡара иалахәызароуп аҵареи акультуреи русбарҭақәа, аҳәынҭқарратә массатә-информациатә хархәагақәа, антернет ресурсқәа, аҟазаратәи арҿиаратәи еидгылақәа.

Ажәабжьқәа зегьы
0