Хабаровск амҩатә машәыр зыхҟьаз ԥхьаҟатәи ацәаҳәа ианылаз автобус ауп

© Sputnik / Дальневосточный региональный центр МЧС России / Амедиаҵәахырҭахь аиасраХабаровск иҟалаз амҩатә машәыр
Хабаровск иҟалаз амҩатә машәыр - Sputnik Аҧсны
Анапаҵаҩра
НовостиTelegram
Аҳәынҭқарратә прокуратура адырраҭарақәа рыла, Комсомольск-на-Амуре ақалақь аҟынтә Хабаровскҟа амҩа иқәыз автобус зныз амҩа ахәҭа аремонт азыҟазҵоз аргыларатә техника ианахыкәшоз, амашьынарныҟәцаҩ аԥсҟы изаанымкылакәа иаԥхьаҟа иааиуаз амҩатә цәаҳәа данылеит. Иаԥхьаҟала иааиуаз автобусгьы дасит. Рыԥсҭазаара иалҵит 16-ҩык ауааԥсыра.

АҞӘА, нанҳәа 5 — Sputnik. Хабаровск ақалақь иахьаԥну аҭыԥ аҟны еинҟьаз автобусқәа руак аныҟәцаҩ аргыларатә техника иахыкәшараан аԥсҟы имч ақәымхакәа иаԥхьаҟатәи амҩацәаҳәа данылеит ҳәа аанацҳауеит Урыстәыла Аҳәынҭқарратә прокуратура асаит.

"Агәаҭарақәа раан ишьақәыргылахеит амаршрут №301 (Комсомольск-на-Амуре–Хабаровск) автобус арныҟәцаҩ аргыларатә техника иахыкәшараан аԥсҟы имч ақәымхакәа иаԥхьаҟатәи амҩацәаҳәа дананыла иаԥхьаҟа иааиуаз аҽа автобуск дасит. Амашьына ажра иҭаҳаит", — ҳәа аанацҳауеит асаит.

Уи адагьы атәылаҿацә апрокуратура еиҿнакаауеит агәаҭарақәа. Агәаҭарақәа раан еилкаахоит амҩатә машәыр иалахәыз атранспорт апассаџьырцәа рныҟәгара азин амазу иамазу, иара убасгьы иҭҵаахоит амҩақәеи автотранспорти рхархәара аусхк аҟны ахылаԥшратә органқәа русура.

Аполициа адыррақәа рыла аԥсыҭбарақәа зцыз амҩатә машәыр ҟалеит асааҭ 15.00 рзы, 125-тәи акилометр аҟны. Еинҟьеит ареистә автобусқәа ҩба (301, 304 амаршрутқәа). Рыԥсҭазаара иалҵит 16-ҩык ауаа.

Ажәабжьқәа зегьы
0