Москватәи аԥсуа диаспора асаит ҿыц аусура иалагеит

© SputnikСайт Московской абхазской диаспоры
Сайт Московской абхазской диаспоры - Sputnik Аҧсны
Анапаҵаҩра
НовостиTelegram
Москватәи аԥсуа диаспора аҩаша, цәыббра 1 азы асаит ҿыц аус адыруит.

АҞӘА, цәыббра 2 — Sputnik, Анжелика Бениаԥҳа. Москватәи аԥсуа диаспора аҩаша, цәыббра 1 азы аинформациатә ресурс, асаит ҿыц, аус адыруит. Иара инарҭбааны иаанарԥшлоит Москва инхо аԥсуа диаспора аԥсҭазаара ҳәа ааицҳаит Москватәи аԥсуа диаспора аиҳабы Беслан Агрба.

Иара иажәақәа рыла, асаит еиқәыршәоуп еицырдыруа аԥсуа диаспора ахаҭарнакцәеи иара убасгьы аҳәаанырцәтәи адиаспора ахаҭарнакцәеи рыԥсҭазаара атәы зҳәо аматериалтә блокқәа рыла.

Беслан Агрба иазгәеиҭеит: асаит ҿыц атехника аганахьала ҳаамҭа иақәшәоит ҳәа.

"Асаит иҳаднагалоит аматериал рацәа адагьы аԥсуа диаспорақәа рҽахьеидыркылаша аинформациатә ҭыԥ. Иара ацхраауеит Москва инхо ҳџьынџьуаа еиуеиԥшым азҵаарақәа рҟны рыдгылара", — иҳәеит Агрба.

Асаит аус ауеит х-бызшәак: аԥсшәа, аурыс бызшәа, англыз бызшәа рыла. Асоциал ҳақәа зегьы ирылалар алшоит.

Адиаспора адырраҭараҟны иарбоуп аексперт статиақәа рнаҩсангьы араҟа ишеизгахо Аԥсны аҭоурых азы адыррақәа, апроект ҷыдақәа, ажәабжь ҿыцқәа, афото —авидео материалқәа, аиндаҭларақәа азҵаарақәа.

"Асоциалтә проектқәа" ҳәа иҟоу аҟәша иреиӷьу апроектқәа раарԥшра адагьы урҭ рахь аԥсуа диаспора ахаҭарнакцәа ралархәра иазырхоуп. Иара убасгьы ацхыраареи адгылареи рыблокгьы иаиуеит асаит аҟны аҭыԥ", — ҳәа аҳәоит аацҳамҭаҟны.

Отдых на ВВЦ - Sputnik Аҧсны
Аԥсны Аҳәынҭқарра Амш Москва иазгәарҭоит

Асаит аус адулареи, адизаин ашьақәыргылареи астили рнапы алакын Лаша Лазбеи Инал Қорсаиеи.

"Москватәи аԥсуа диаспора асаит аус адулараан ахархәара рыҭан иахәҭаны иҟоу ашәарҭадара еиқәзыршәо, 1С-Битрикс аалыҵ абаза иатәу атехникатә ӡбарақәа. Афункционал ҭбаа иалнаршоит иаарласны, лҵшәабзиала асаит аконтинент напхгара аҭара", — ҳәа азгәеиҭеит аинформациатә технологиақәа рагентра "CODEWORKS.PRO" адиректор Лаша Лазба.

Инал Қорсаиа иазгәеиҭеит аинформациатә ресурс аԥҵара иамоу аҵакы.

"Асаит афункционал азынархоуп Москва инхо аԥсуа диаспора рыбжьара аинырра аизырҳара. Агәра згоит иара егьырҭ атәылақәеи ақалақьқәеи рзгьы иҿырԥшыганы ишыҟало", — иҳәеит Қорсаиа.

Агрба иажәақәа рыла, Москватәи аԥсуа диаспора аинтернет-ресурс аҿиареи атехникатә дгылареи ԥхьаҟагьы азхьаԥшра ду аҭахоит.

Ажәабжьқәа зегьы
0