Ҵахнакьиа: амобилтә поликлиника иаарласны аусура иалагоит

© Sputnik Роберт ДжопуаАмобилтә поликлиника
Амобилтә поликлиника - Sputnik Аҧсны
Анапаҵаҩра
НовостиTelegram
Аԥсны агәабзиарахьчара аминистрра амобилтә поликлиника аусура хацнаркраны иҟоуп абҵарамзазы, Тҟәарчал араион аҟны.

АҞӘА, цәыббра, 29 – Sputnik, Роберт Џьапуа. Аԥсны Агәабзиарахьчара аминистрра амобилтә парк иаиуит еиҭаҵуа арентгенодиагностикатә центр. Абри атәы ҳзеиҭеиҳәеит аминистр ихаҭыԥуаҩ Ҭамаз Ҵахнакьиа.

"Акомплекс азырхоуп аскринингтә рентгенологиатә ҭҵаарақәа рымҩаԥгара. Арахь иаҵанакуеит 2016 шықәса рзы Аԥсны иазыԥхьагәаҭо адиспансеризациагьы", — иҳәеит Ҵахнакьиа.

Аминистр ихаҭыԥуаҩ иазгәеиҭеит арентгенодиагностикатә центр ахԥатәи амобилтә комплекс акәны ишыҟоу аминистрраҟны. Уаанӡа иаахәан ареспублика араионқәеи ақыҭақәеи рҟны, аҭыԥаҿ агәыбзиараҭҵаара алзыршо, еиҭаҵуа акомплексқәа ҩба.

Аҳақьым Лев Аргәын - Sputnik Аҧсны
Аԥсны акьыбачымазаратә центр ахь иаагоуп ашәахәатә терапиа аппарат

"Ҳара иеиҿаҳкаахьеит амобилтә бригадақәа, абҵарамза инаркны ҳалагоит иазыԥхьагәаҭоу ауснагӡатәқәа Тҟәарчал араион аҟны рымҩаԥгара. Арҭ ах-машьынак ирықәгылоу амыругақәа рыцхыраарала иалыршахоит агәыҵҟьа аорганқәа рҭыхра арыԥҳа чымазарақәа заа разыԥхьагәаҭаразы, иара убасгьы акьыбачымазара аилкааразы – амамографиа, иалыршахоит аелектрокардиографиатәи, аультрабжьытәи егьырҭ аҭҵаарақәеи рымҩаԥгара. Уи адагьы еиҭаҵуа акомплекс астамоталогиатә сқамқәа ацуп", — иҳәеит аминистр ихаҭыԥуаҩ.

Ауааԥсыра рзеиԥш диспансеризациа амҩаԥгара Агәыбзиарахьчара аминистрра анапы ианиҵеит атәыла Ахада. Адиспансеризациа иалагоит Тҟәарчал араион аҟны. Ишазыԥхьагәаҭоу ала, иара иаҵакхароуп 85% рҟынӡа ауааԥсыра.

Ажәабжьқәа зегьы
0