Ҳаџьымба: ашьапылампыл азы ачемпионат ныҳәа дуны иҟалоит Аԥсны

© Sputnik Томас ТхайцукСтадион "Динамо".
Стадион Динамо. - Sputnik Аҧсны
Анапаҵаҩра
НовостиTelegram
Рауль Ҳаџьымба дырԥылеит Ихьыԥшым ашьапылампылтә ассоциациақәа Рконфедерациа (ConIFA) аделегациа алахәылацәа.

АҞӘА, жьҭаара 9 — Sputnik. Аԥсны ашьапылампыл ахь абзиабара ду аадырԥшуеит наџьнатә аахыс. Атәылазы асеиԥш аҩаӡара змоу ауснагӡатә амҩаԥгара ныҳәа духоит иҳәеит атәыла Ахада Ихьыԥшым ашьапылампылтә ассоциациақәа Рконфедерациа (ConIFA) аделегациа данырԥылоз ҳәа аанацҳауеит атәыла Ахада иофициалтә саит.

Ҳаџьымба асасцәа агәра диргеит ашьапылампыл азы Ачемпионат аиҿкаареи амҩаԥгареи атәыла анапхгареи аиҳабыреи адгылара ишазыхиоу.

"Ҳара зегьи, хаҭала ачемпионат аиҿкаара азҵаарақәа знапы алакуи аинтерес еицҳамоуп ари ауснагӡатә хаҭабзиарала, ҩаӡара ҳаракыла амҩаԥгара", — инаҵшьны иазгәеиҭеит Ҳаџьымба.

ConIFA Апрезидент Пьер Андерс Блинд Аԥсны Ахада ҭабуп ҳәа иеиҳәеит иҟаиҵаз адкылара ԥхазы, иазгәеиҭеит адунеи Ачемпионат Аԥсны амҩаԥгара иалнаршар шауа адунеитә уаажәларратә еилазаара еиҳа инарҭбааны Аԥсны рзаартра, дырдырра.

Руслан Аџьынџьал Ашьапылампыл Афедерациа аиҳабы иалхрақәа дрылахәхоит

ConIFA Апрезидент ихаҭыԥуаҩ Крис Тоф Рауль Ҳаџьымба иеиҳәеит Ачемпионат 16 команда алахәхараны ишыҟоу.

"Уаанӡатәи ҳтурнирқәа ахәаԥшцәа зықьҩыла ирыдрыԥхьалон. Агәра згоит ҳамчқәа еилаҵаны ишалҳаршо уажәтәи ачемпионат иахәҭоу аҩаӡарала амҩаԥгара", — азгәеиҭеит иара.

ConIFA Анагӡаратә еилакы аилатәараҟны, 2015 шықәса ԥхынгәы 8 рзы, еицҿакны рыбжьы рҭиит 2016 шықәса рзы адунеитә Чемпионат Аԥсны имҩаԥысырц.

Ахада Ихьыԥшым ашьапылампылтә ассоциациақәа Рконфедерациа (ConIFA) еиҿкаан 2013 шықәса рзы. Еиднакылоит FIFA аилазаара официала иалам атәылақәа ршьапылампылтә командақәа 25.

Ажәабжьқәа зегьы
0