Еиуеиԥшым адыррақәа рыла Сталин, Асовет Еидгыла иахьаҵанакуаз ҩажәа инаркны ԥшьынҩажәа рҟынӡа дача иман. Урҭ реиҳарак рҟны зныкгьы дымнеицызт. Аԥсны авожд идачақәа хәба ыҟоуп. Зегьы ирылкааны даҭаауан Гагра ааигәара иҟоу адача.
Ҩбаны еихагылоу ари ахыбра дыргылеит 1932 шықәса рзы. Зықьҩыла аргылаҩцәа ашьхацаҟьа ҭаԥҟаны адача аҭыԥ аздырхиеит. Ахыбра ахаҳә иқәылоуп, ахаҭа ҵлалыхуп. Аҩныҵҟатәи ашҭаҟны алашарақәа ҭахәыҽноуп ишылашо, харантәи аӡәгьы имбарц азы.
Ари аҭыԥ аҟны адача аргылара Сталин идызгалаз аҳақьымцәа роуп – иаакәыршан иҟоу аԥсаҵлақәа рыфҩы игәабзиаразы ибзиоуп ҳәа ишьаны. Ахыбра аӷбасахьа аманы иеиҿкаауп. Уадақәак рҟны аԥенџьырқәа аиллиуминатор аԥшра рымоуп, адашьма аӷбадашьма еиԥшуп.
1/15
© Sputnik Томас Тхайцук
Баӷрыԥсҭатәи (Холоднаиа речка) Сталин идача ҩбаны еихагылоуп, адгьыл аҵатәи аихагылагьы ацуп. Аԥсны иҟоу егьырҭ Сталин идачақәа зегь реиԥш аригьы шьацԥшшәыла ишәуп. Ари аԥшшәы иаакәыршаны иҟоу аҵлақәа рыԥшшәахәы аҽаланаӡҩоит, убри аҟнытә адача улаԥш иҵашәом.
2/15
© Sputnik Томас Тхайцук
Адача Гагра 15 километра рҟынӡа уахьналсуа, амшын аҩаӡараҟынтә 350 метра рҟны иҟоуп. Иарахьы ухалоит апансионат "Солнечный" иаҩсны ицо амҩала. Араҟа ианраамҭаз рыԥсы ршьон асовет партиа аусзуҩцәа хатәрақәа. Ашьха ҳаракқәа, амшын иаҵәа, ажәҩан ҵзыԥссаауа аҵлақәа – абарҭ зегьы аҽакы иаламҩашьо асахьа еиҿыркаауеит. Адачаҟынтәи амшын агәи ақалақьи унапы ианушәа иубарҭоуп.
3/15
© Sputnik Томас Тхайцук
Адача дыргылеит 1932 шықәса рзы. Зықьҩыла аргылаҩцәа (абаандаҩцәа) ашьхацаҟьа кылыԥҟааны ахыбра ургылартә иҟарҵеит. Адача ауасхыр хаҳәлыхуп, иара ахаҭа мҿлыхуп.
4/15
© Sputnik Томас Тхайцук
Адгьыл иҵоу аихагылаҟны акинозал аус ауан. Азал аҟны адашьма аӷбаҟнеиԥш аԥшааирҭақәа аҭаны иҟаҵан. Сталин бзиа ибаны дрыхәаԥшуан акомедиақәа. Афильм цонаҵы дамхацәар, афильм аанкыланы дааԥшаанӡа ҳәа иԥшуан.
5/15
© Sputnik Томас Тхайцук
Акрыфарҭа аҭӡамц икыдыз асаркьа убасеиԥш аҭыԥ аҭан икнаҳан – авожд аԥенџьыр дылагылазар, уантәи, иара даныԥшыло ауадаҟны иҟаз зегь ибарҭаны.
6/15
© Sputnik Томас Тхайцук
Адачаҟны иҟоу алитература зегьы тәым бызшәала - англыз, афранцыз, араб, анемец авторцәа ирҩыз роуп. Аекскурсиамҩаԥгаҩ ишиҳәо ала, арҭ ашәҟәқәа Сталин даныԥсоуп арахь ианаарга. Урҭ арахь изаагоугьы ари адача иаҭаауаз аҳәаанырцәтәи асасцәеи адипломатцәеи рзоуп.
7/15
© Sputnik Томас Тхайцук
Ҵаҟатәи аихагылаҟны абилиард асырҭа ыҟоуп. Иара убри ауадаҿоуп иахьыҟоу Сталин бзиа ибаны дзыҽҳәатәалоз ауаџьаҟ.
8/15
© Sputnik Томас Тхайцук
Уадацԥхьаӡа ахатәы рхиашьа амоуп. Аинтериер аҟны ахархәара рымоуп зыхә ҳараку аҵлажәлақәа. Адашьма зехьынџьара аџьҵла иалхны иҟаҵоуп.
9/15
© Sputnik Томас Тхайцук
Адача №2 асқамқәеи егьи аҩнымаҭәеи рдырга ҷыда.
10/15
© Sputnik Томас Тхайцук
Ахыбра аҩбатәи аихагылаҟны иҟоу адкыларҭатә уада. Адача иаҭаауази авождь иҿцәажәози иахьанӡагьы еилкаам. Уи аганахьала информациа ыҟам, зегьы акыр ирмаӡан. Ишьақәыргылоу акы заҵәык ауп – Сталин, шамахамзар, ихала иакәын ԥсшьара ҳәа арахь иаауаз.
11/15
© Sputnik Томас Тхайцук
Адача ахыбра, карелиатәи амзашаҵла зҭыршоу ашьҭаларҭа уадақәа хәба амоуп. Дара-дара акыр еиԥшуп, ишырхиоугьы еиԥшноуп. Акаруаҭқәа рацәак идуум, агәабанқәа амшынҵиаа рыла ирҭәуп. Сталин уахык ала шьҭаларҭак аҟынтәи аҽа шьҭаларҭак ахь диасыр илшон. Дахьыцәаҵәҟьаз ауада иара ихьчаҩцәагьы ирыздырамызт.
12/15
© Sputnik Томас Тхайцук
Аҽыкәабарҭахь амшынӡы нашьҭын. Авожд амшын аҟны иҽикәабаӡомызт, зны дӡааҟәрыларц ак игымхазт, уинахыс аӡ ашәара иман.
13/15
© Sputnik Томас Тхайцук
Асасааирҭаҟны игылоу анемец фирма C. Bechstein иҭнажьыз ароиаль. Сталин ахәмаршьа издырамызт, аха амузыка азыӡырыҩра бзиа ибон. Еиҳаракгьы иӡӷаб Светлана даныхәмаруаз.
14/15
© Sputnik Томас Тхайцук
Ашахматтә ӷәы аҟны ианҵоу авожд исахьа.
15/15
© Sputnik Томас Тхайцук
Баӷрыԥсҭа иҟоу адача Сталин иналкаан бзиа иибоз ҭыԥуп. Аҽыхәышәтәрази аԥсшьарази уи арахь ҩеижәантә раҟара даахьан.
