Баграт Шьынқәба иажәеинраала даԥхьоит еицырдыруа аԥсуа актиор Кьасоу Ҳагба

Анапаҵаҩра
НовостиTelegram
Зыхьӡ нагоу аԥсуа политикцәеи, ауаажәларратә усзуҩцәеи, аспортсменцәеи, амузыкантцәеи ирыԥхьоит аԥсуа поетцәа иреиӷьӡоу ражәеинраалақәа апроект Sputnik.Аԥхьара аҳәаақәа ирҭагӡаны.

АҞӘА, ԥхынҷкәын 1 –  Sputnik. Жәларбжьаратәи аинформациатә маҵзура Sputnik Аԥсны апортал аҟны аԥсышәалеи урысшәалеи аусура иалагеит апоезиа аларҵәара иазку апроект Sputnik. Аԥхьарақәа. Уи аҳәаақәа ирҭагӡаны еицырдыруа аԥсуа политикцәа, ауаажәларратә усзуҩцәа, аспортсменцәа, амузыкантцәа иналукааша аԥсуа поетцәа ражәеинраалақәа ирыԥхьоит. Sputnik Аԥсны аестафета аднакылеит Sputnik Молдова аҟынтәи. Ҿыц апроект ихы алаирхәит Аԥсны акинематографистцәа рхеидкыла ахантәаҩы, актиор Кьасоу Ҳагба, уи даԥхьеит Аԥсны жәлар рпоет, рышәҟәыҩҩы Баграт Шьынқәба иажәеинраала "Аԥсуа ԥҳәызба".

"Сара Sputnik Аԥсны ҭабуп ҳәа азысҳәоит зеиӷьыҟам ари апроект азы. Апоезиа адунеи иқәынхо ауаа зегь еиднакылоит. Сара сзын даара акраҵанакуеит, адунеи аҿы аԥсуа бызшәа зегьы ираҳартә иахьыҟало, ҳара ҳкультура, ҳажәлар рдоуҳа зеиԥшроу, иара убас аԥсуа бызшәа шаҟа апоезиа ианаало зегьы ирдыруазарц сҭахуп. Sputnik.Аԥхьарақәа аестафета аҿы саԥхьарц сыӡбеит Аԥсны жәлар рпоет Баграт Шьынқәба иажәеинраала", — иҳәеит Кьасоу Ҳагба апроект ахалархәра иазкны.

Апроект хациркит Sputnik Аԥсны анапхгаҩы Инал Лазба. Иара даԥхьеит еицырдыруа аԥсуа поет Таиф Аџьба иажәеинраала "Амра ссируп аҭашәамҭаз".

Апроект аҳәаақәа ирҭагӡаны апоезиатә естафета хықәкны иамоуп ауаа ԥшшәырацәала еилаԥсоу абри адунеи аҟны реизааигәатәра. Убри азы ахархәара арҭоит адунеи зегь азы аҵакы змоу амалқәа – абзиабара, аԥсҭазаара, аԥшӡара зҵазкуа, иналукааша апоезиатә рҿиамҭақәа рыԥхьара. Апроект хацыркын Кыргызсҭан, 2015 шықәса хәажәкырамзазы. Иара рхы аладырхәит атәыла аҳәынҭқарратә мчра ахаҭарнакцәа, аҟазара аусзуҩцәа, ауаажәларратә усзуҩцәа. 2015 шықәса нанҳәамзазы апоезиатә естафета Sputnik. Аԥхьарақәа ииасит Sputnik Молдова ахь. Уаҟа иара рҽаладырхәит жәлар рартист Константин Москович, ареспублика аҟазара арҿиаҩы Иури Хармелин, Ареспублика Молдова Аславиантә университет аректор Татиана Млечко, Гагаузиа ахада Ирина Влах.

Sputnik (sputniknews.com) – жәабала атәылақәа рыҟны иҟоу ажәабжьтә маҵзура, амультимедиитә информациатә хабқәа зманы иҟоу арадио. Sputnik ахь иаҵанакуеит 30 рҟынӡа асаитқәа, аналогтәи ацифратәи радиодырраҭарақәа, амобилтә цҵақәеи асоциалтә ҳақәа рыҟны адаҟьақәа. Ажәабжьқәа уахи-ҽни иҭыҵуеит англыз, араб, аиспан, акитаи бызшәақәа рыла.

Ажәабжьқәа зегьы
0