АҞӘА, ԥхынҷкәын 11 — Sputnik. Аладатәи арратә округ Аԥсны иҟоу урыстәылатәи арратә база аҟәшақәа рҟны иалагеит арратә ҽазыҟаҵарақәа. Уи иахысуеит зықьҩык инарзынаԥшуа аррамаҵзурауаа, ҳәа аанацҳауеит Аладатәи арратә округ апресс-маҵзура.
Аррамаҵзурауаа имҩаԥыргоит анормативқәа амцатә ҽазыҟаҵареи, арадиациатәи ахимиатәи, абиологиатәи хьчареи амина-рԥжәагатә хьчагақәа рхысреи адәаҟны ихымԥадатәихар зылшо аҭагылазаашьақәа раан раԥхьатәи амедицинатә цхыраара аҟаҵареи рзы.
"Аррамаҵзурауаа рмахәҿалатә ҭагылазаашьа аарԥшреи ԥхьаҟатәи реидарақәҵа апланыркреи хықәкны иҟаҵаны хаҭалатәи аилазаара анормативқәа арҭараны иҟоуп: 100, 1000, 3000 метра рҟны аҩрази ақәырҟьаҟны аҽышьҭыхрази", ҳәа аҳәоит аацҳамҭаҟны.
Аҽазыҟаҵарақәа реихшьаалақәа инарықәыршәаны ԥхынҷкәын анҵәамҭазы имҩаԥысраны иҟоуп аконтрольтә ҽазыҟаҵарақәа. Аррамаҵзурауаа, аконтрольтә ԥышәарақәеи азшьақәеи, абаҩырҵәырақәеи қәҿиарала иазҭаз а-3-тәи акласс аҟаза ҳәа аквалификациа роуеит.
